स्ववियु निर्वाचन : महेन्द्र मोरङमा मतगणनाको तयारी

आइतबार मध्यरातिसम्म विद्यार्थी संगठनका गणक प्रतिनिधिले आफ्नो परिचयपत्र नखुलाएका कारण मत गणना सुरु हुन सकेको थिएन ।

हरेक विद्यार्थी संगठनका गणक प्रतिनिधिले आफ्नो परिचयपत्र देखाएर मात्र मतगणनास्थलमा पस्न पाउने सर्वदलीय सहमति भएपछि अपराह्नदेखि मतगणना सुरु गर्ने तयारी गरिएको निर्वाचन अधिकृत सुशील अधिकारीले बताए । उनका अनुसार अब केही समयपछि गणना सुरु हुने छ ।

यो क्याम्पसमा ५ हजार ८ सय २५ मतदाता मध्ये ३ हजार १ सय ६६ मत खसेको छ । यो क्याम्पसमा कांग्रेस, एमाले, माओवादी केन्द्र र जनमत पार्टी निकट विद्यार्थी संगठनले प्यानलै उम्मेदवारी दर्ता गरेका छन् । यहाँ राप्रपाले उम्मेदवारी दिएको छैन ।