२६.१२°C काठमाडौं
काठमाडौंमा वायुको गुणस्तर: १९०

स्ववियु निर्वाचन : महेन्द्र मोरङमा मतगणनाको तयारी

विराटनगर — गणक प्रतिनिधिले आफ्नो परिचयपत्र नखुलाउँदा मतगणना सुरु हुन नसकेको यहाँको महेन्द्र मोरङ बहुमुखी क्याम्पसमा स्ववियु निर्वाचनको मतगणना सोमबार अपराह्नदेखि गणना गर्ने तयारी गरिएको छ ।

स्ववियु निर्वाचन : महेन्द्र मोरङमा मतगणनाको तयारी

आइतबार मध्यरातिसम्म विद्यार्थी संगठनका गणक प्रतिनिधिले आफ्नो परिचयपत्र नखुलाएका कारण मत गणना सुरु हुन सकेको थिएन ।

हरेक विद्यार्थी संगठनका गणक प्रतिनिधिले आफ्नो परिचयपत्र देखाएर मात्र मतगणनास्थलमा पस्न पाउने सर्वदलीय सहमति भएपछि अपराह्नदेखि मतगणना सुरु गर्ने तयारी गरिएको निर्वाचन अधिकृत सुशील अधिकारीले बताए । उनका अनुसार अब केही समयपछि गणना सुरु हुने छ ।

यो क्याम्पसमा ५ हजार ८ सय २५ मतदाता मध्ये ३ हजार १ सय ६६ मत खसेको छ । यो क्याम्पसमा कांग्रेस, एमाले, माओवादी केन्द्र र जनमत पार्टी निकट विद्यार्थी संगठनले प्यानलै उम्मेदवारी दर्ता गरेका छन् । यहाँ राप्रपाले उम्मेदवारी दिएको छैन ।

प्रकाशित : चैत्र ६, २०७९ १२:३८
प्रतिक्रिया
पठाउनुहोस्
जनताको राय

कांग्रेसले 'वेल' घेरेर नाराबाजी गरिरहेका बेला प्रधानमन्त्रीले प्रतिनिधिसभामा विश्वासको मत लिएको घटनालाई कसरी लिनु भएको छ ?