कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १८८

धनकुटा क्याम्पसमा निर्वाचित स्ववियु पदाधिकारी, सदस्यले लिए शपथ

धनकुटा — धनकुटा बहुमुखी क्याम्पसमा सर्वसम्मत निर्वाचित पदाधिकारी तथा सदस्यहरुले आइतबा शपथग्रहणसँगै पदभार गरेका छन् ।

धनकुटा क्याम्पसमा निर्वाचित स्ववियु पदाधिकारी, सदस्यले लिए शपथ

क्याम्पसमा आयोजित कार्यक्रममा नवनियुक्त कार्यसमितिलाई बधाई तथा शुभकामना दिइएको क्याम्पस प्रमुख होमबहादुर बस्नेतले जानकारी दिए । क्याम्पसमा ५ विद्यार्थी संगठनको सहमतिमा स्ववियु कार्यसमिति चयन गरिएको थियो । अध्यक्षमा अनेरास्ववियुका सन्तोष बुढाथोकी, उपाध्यक्ष र सचिवमा नेविसंघका सुवास भण्डारी र सुवास खनाल, सहायक सचिवमा अखिल (क्रान्तिकारी)का किशोरकुमार रायमाझी र कोषाध्यक्षमा अनेरास्ववियुका युवा तिम्सिना चयन भएका छन् ।

सदस्यहरुमा अनेरास्ववियुबाट प्रवीण खनाल, टेकेन्द्र सापकोटा, नवीन पौडेल, भूमिराज राई, सुजन सुवेदी, मुना चापागाईं र कविता विश्वकर्मा छन् । नेविसंघबाट सदस्यमा मेलिना राई, अनिश भट्टराई र अखिल (क्रान्तिकारी)बाट सदस्यमा विपिनराज थापा र निरुता थापा मगर छन् । यस्तै नेकपा एस निकट अनेरास्ववियूबाट सदस्यमा मनोज तामाङ र नानुका ठकुरी तथा समाजवादी विद्यार्थी युनियनबाट निशा राई रहेको जनाइएको छ ।

नवनियुक्त स्ववियु अध्यक्ष बुढाथोकीले शैक्षिक सवाल तथा विद्यार्थीको हकहितका लागि जुट्ने बताए । स्ववियु कार्यसमितिको कार्यावधि २ वर्षको रहेको छ । जिल्लाका अन्य ६ वटा क्याम्पसमा पनि सर्वसम्मत नेतृत्व चयन भइसकेका छन् ।

धनकुटा बहुमुखी क्याम्पससहित हिले क्याम्पस र जाल्पादेवी क्याम्पस पाख्रिवास अनेरास्ववियुको नेतृत्वमा, जितपुर क्याम्पसमा नेविसंघको नेतृत्वमा र भाषा क्याम्पसमा अखिल (क्रान्तिकारी)को नेतृत्वमा स्वतन्त्र विद्यार्थी युनियन सर्वसम्मत चयन भएका छन् ।

धनकुटाकै गोकुण्डेश्वर क्याम्पस र बुधुक क्याम्पसमा संगठन दर्ता नभएका कारण स्ववियु गठनको प्रक्रिया अघि बढेको छैन । तर, गोकुण्डेश्वर क्याम्पसमा नेविसंघ र बुधुक क्याम्पसमा अनेरास्ववियुको नेतृत्वमा स्ववियु गठन हुने सहमति पहिल्यै भइसकेको जनाइएको छ ।

प्रकाशित : चैत्र ५, २०७९ १८:४६
प्रतिक्रिया
पठाउनुहोस्
जनताको राय

आर्थिक वर्ष २०८१/०८२ को वार्षिक बजेट ल्याउने समय एक साता मात्र बाँकी रहँदापनि संघीय संसद्को गतिरोध खुलाउन सरकारले किन तदारुकता नदेखाएको होला ?