ज्यान मार्ने उद्योगमा दोषी ठहरिएका फरार ३ जना पाँचथरमा पक्राउ

उनीहरुलाई जिल्ला प्रहरी कार्यालय पाँचथरबाट खटिएको प्रहरी टोलीले फालेलुङ-७ सिदिनबाट आइतबार पक्राउ गरेको जिल्ला प्रहरी कार्यालय पाँचथरका सूचना अधिकारी (प्रहरी निरीक्षक) सन्तोष राईले जानकारी दिए । उनीहरुविरुद्ध फालेलुङ-७ का मिराक हाङसरुम्बाको ज्यान मार्ने उद्योगमा पीडितका पिता धनबहादुर हाङसरुम्बाले मुद्दा दर्ता गराएका थिए ।

२०७२ फागुन १२ गते उनीहरुले हाङसरुम्बाको ज्यान मार्ने प्रयास गरेको मुद्दाको फैसला गर्दै २०७५ वैशाख १३ गते अदालतले उनीहरुलाई दोषी प्रमाणित गर्दै कैद सजाय तोकिएको थियो । उनीहरु तीनै जनालाई ४ वर्ष ११ महिना २९ दिनका दरले कैद गर्न अदालतको फैसलामा भनिएको छ ।

यसैबीच, जिल्ला प्रहरी कार्यालय पाँचथरले माघ महिनामा मात्रै विभिन्न मुद्दामा अदालतबाट दोषी ठहर भएका १४ जनालाई पक्राउ गरी कैद भुक्तानका लागि कारागार चलान गरेको जनाएको छ ।