पाँचथर — पाँचथरको तुम्वेवा गाउँपालिका-२ का मनोज राई भरुवा बन्दुकसहित पक्राउ परेका छन् । राईलाई प्रहरी चौकी नावाखोलाबाट खटेको टोलीले शनिबार राति २३ वर्षीय राईलाई पक्राउ गरेको हो ।
उनको साथबाट एकथान बन्दुक र त्यसमा प्रयोग हुने कार्तोज, बारुद, केप र सलाईसहित पक्राउ गरिएको जिल्ला प्रहरी कार्यालय पाँथरले जनाएको छ ।
पकाउ परेका राईलाई जिल्ला प्रहरी कार्यालय पाँचथरमा राखी अनुसन्धान सुरु गरिएको प्रहरी नायव उपरीक्षक हरि खतिवडाले बताए ।
काठमाडौँ — माघ २७ गतेको संघीय संसद्को संयुक्त बैठकलाई राष्ट्रपति विद्यादेवी भण्डारीले सम्बोधन गर्ने भएकी छन् ।आइतबार प्रतिनिधिसभाको बैठकमा सभामुख देवराज घिमिरेले यस विषयमा जानकारी दिएका हुन् ।
त्यस दिन संसद्को बैठक २:४५ बजे सुरु हुने बताइएको छ । राष्ट्रपति भण्डारीले भने संयुक्त सभालाई ३ बजे सम्बोधन गर्ने कार्यतालिका छ ।
‘माननीय सदस्यज्युहरु सम्माननीय राष्ट्रपतिज्यूबाट नेपालको संविधानको धारा ९५ बमोजिम २०७९ साल माघ २७ गते शुक्रबार दिनको ३ बजे संघीय संसदको दुवै सदनको संयुक्त बैठकलाई सम्बोधन गर्ने कार्यक्रम रहेको हुँदा प्रतिनिधिसभाका सम्पूर्ण माननीय सदस्यहरु दिनको २:४५ बजेभित्र नै प्रतिनिधिसभा बैठक सभा कक्षमा आफ्नो आसनग्रहण गरीदिनुहुन अनुरोध गर्दछु ।
उक्त दिन र तोकिएको समयमा निर्धारित पोशाकमा उपस्थित हुन अनुरोध गर्छु,’ सभामुख घिमिरेले भने ।
प्रकाशित : माघ २२, २०७९ १७:१३
