‘चिकित्सकको लापरबाही देखिएन’

घटना छानबिन गर्न गठित समितिले अस्पताल प्रशासनलाई बुझाएको प्रतिवेदनमा उपचारमा रहेका चिकित्सकबाट कुनै त्रुटि नभएको उल्लेख छ । श्वासप्रश्वासमा समस्या देखिएकी मोरङको जहदा–३ भाथिगछकी १८ दिनकी शिशुलाई उपचारका लागि उक्त अस्पताल पुर्‍याएपछि मेडिकल अफिसर आकाश यादवसहित अहेवद्वय टीका भण्डारी र लक्ष्मण माझीले जाँच गरेका थिए ।

शिशुको श्वास रोकिएको र मुटुको धड्कन नचलेको भन्दै चिकित्सकले मृत घोषणा गरेको शिशुपछि जीवितै रहेको पाइएपछि आक्रोशित आफन्तले डा.यादवलाई कुटपिट गरेका थिए । शिशुको पछि नजिककै गोल्डेन अस्पतालमा लगे पनि गत मंगलबार उपचारका क्रममा निधन भएको थियो ।