१९.१२°C काठमाडौं
काठमाडौंमा वायुको गुणस्तर: १७०

ताप्लेजुङमा करेन्ट लागेर महिलाको मृत्यु

आनन्द गौतम

ताप्लेजुङ — आठराई त्रिवेणी गाउँपालिका २ फूलबारी सिमलबोटेकी एक महिलाको बिजुलीको करेन्ट लागेर मृत्यु भएको प्रहरीले जनाएको छ । जिल्ला प्रहरीका अनुसार बाख्रा चराउन जंगल गएकी ३९ वर्षीया सुकमाया श्रेष्ठ जमिन नजिकै लत्रिएको अवस्थामा रहेको बिजुलीको नाङ्गो तारसँगै मृत अवस्थामा भेटिएकी थिइन् ।

प्रहरी निरीक्षक कुशराम कार्कीका अनुसार प्रहरीले घटनास्थलमा गई थप अध्ययन गरिरहेको छ । वडाध्यक्ष टेकिन्द्र सेन्दाङले जमिनको भूभागदेखि आधादेखि एक मिटर मात्रै उचाइमा तार लत्रिएको पाइएको बताए ।

बिहीबार घरबाट बाख्रा चराउन गएकी उनी बेलुका घर नफर्किएपछि परिवारले बिहीबारदेखि नै खोजी गरेका थिए । बाख्रा घर पुग्दा पनि श्रेष्ठ नफर्किएपछि बिहीबार बेलुकैदेखि खोजी गरिएको र शुक्रबार मृत अवस्थामा भेटिएको प्रहरीले जनाएको छ ।

प्रकाशित : माघ २०, २०७९ १९:५६
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?