जबरजस्ती करणी गरी भारत लैजाँदै गर्दा दुई भारतीय पक्राउ
विराटनगर — रोजगारीको खोजीमा हिँडेका एक महिला र एक नाबालिगलाई होटलमा राखेर जबरजस्ती करणी गरी रोजगारी दिने बहानामा भारत लैजाँदै गर्दा दुई भारतीयलाई प्रहरी कार्यालय मोरङले सोमबार जोगवनी नाकाबाट पक्राउ गरेको छ ।
झापाको कन्काई नगरपालिका ४ बस्ने २७ वर्षीया महिला र १४ वर्षीया नाबालिग कामको खोजी गर्दै माघ १२ गते विराटनगरको बसपार्कस्थित हिमालय होटलमा पुगेका थिए ।
त्यही होटलमा बसेका भारतीय नागरिक ४० वर्षीय बाबु साहेब र मोहम्मद जाहागीरले उनीहरूलाई रोजगारी दिने भन्दै विराटनगर–१८ रानीस्थित हिमालय गेस्ट हाउसमा पुर्याएर जबर्जस्ती करणी गरी रोजगारी दिने बहानामा भारत लैजाँदै गर्दा जोगवनी नाकामा पक्राउ गरिएको ईलाका प्रहरी कार्यालय रानीका प्रहरी निरीक्षक महेन्द दर्नालले बताए ।
विराटनगर बसपार्कको हिमालय होटलमा भेट भएर जागिर दिने भन्दै सीमा नाकाको हिमालय गेस्ट हाउसमा महिला र नाबालिकालाई जबरजस्ती करणी गरेर सोमबार रोजगानी दिने भन्दै भारत लैजाँदै गरेको अवस्थामा उनीहरूलाई पक्राउ गरेर आवश्यक अनुसन्धान सुरु गरिएको दर्नालले बताए ।
