भीरमा अलपत्र महिलाको उद्धार

गाउँपालिका अध्यक्ष डम्बर हाङगामका अनुसार बिहीबार बिहान घरबाट हिँडेकी लिम्बू युनाइटेड हाइड्रोपावरमाथिको भीरमा शुक्रबार दिउँसो अलपत्र अवस्थामा देखिएकी थिइन् । सडकदेखि ५० मिटरमाथिको भीरमा देखिएकी उनी तलमाथि कतै जान नसक्ने अवस्थामा अलपत्र परेपछि हाइड्रो पावरका गाडी चालकले गाउँपालिकामा खबर गरेका थिए ।

अध्यक्ष हाङगामसहितको टोली पुगे पनि स्थानीयले पहरोमा चढेर उद्धार गर्न सक्ने अवस्था नभएपछि प्रमुख जिल्ला अधिकारी महेशकुमार पोख्रेलमार्फत नेपाली सेना र प्रहरीको सहयोग मागिएको थियो । हाइड्रोपावरबाट आएको सेना र प्रहरीको टोलीले रुखमा डोरी बाँधेर उनलाई उद्धार गरेको र घरमा पुर्‍याएर परिवारको जिम्मा लगाएको हाङगामले बताए । पारिवारिक विवादका कारण उनी जंगलमा गएको र बिचमा पुगेपछि कतै जान नसक्ने अवस्थामा पुगेको पाइएको हाङगामले बताए ।

ताप्लेजुङको मेरिङदेन गाउँपालिका ४ लिङतेपमा बिहीबार घरबाट हिँडेकी ४० वर्षीया महिला । तस्बिर सौजन्य : डम्बर हाङगाम्गाम