मोरङ — प्रदेश १ का सभामुख बाबुराम गौतमले प्रदेशसभाको पहिलो अधिवेशनको छैटौं बैठक माघ २३ गते दिउँसो १ बजेका लागि बोलाएका छन् । उनले पुस ३० मा अर्को सूचना नहुन्जेलसम्मका लागि प्रदेशसभा बैठक स्थगित गरेका थिए ।
प्रदेशसभामा बिजनेस अभाव भएको र प्रमुख प्रतिपक्षी दल कांग्रेस चासो नदिँदा लामो समय बैठक स्थगित भएको प्रदेश सांसदहरूको गुनासो छ । प्रदेशको नामकरण हुन बाँकी रहेकाले प्रदेशसभा बैठक सार्वजनिक चासोको विषय बनेको हो ।