सौतेनी आमाको कुटाइबाट बालिका घाइते

शुक्रबार दिउँसो आमा चन्द्रकला आचार्यले निर्घात कुटपिट गर्दा देब्रे आँखा र टाउकोमा चोट लागेको छ । उनको जिल्लास्थित अस्पतालमा उपचार हुन नसकेपछि काठमाडौंको तिलगंगा अस्पतालमा उपचार भइरहेको प्रहरी निरीक्षक किरण राईले बताए ।

‘तिलगङ्गाले बालिकाको आँखाको सीटी स्क्यानका लागि आइतबार केएमसी अस्पतालमा पठाएको र सीटीस्क्यानपछि फेरि तिलगङ्गामै ल्याएर उपचार भइरहेको छ,’ प्रहरी महिला सेलकी प्रहरी सहायक निरीक्षक सिर्जना राईले भनिन्, ‘उनको स्वास्थ्यमा सुधार आएको भन्ने जानकारी आएको छ ।’

कुटपिटमा संलग्न चन्द्रकलालाई शुक्रबारै नियन्त्रणमा लिएर अनुसन्धान अघि बढाइएको प्रहरी निरीक्षक राईले बताए । ‘उनलाई मुद्दा चलाउने तयारी गरिएको छ । पीडकलाई घटनाकै दिन नियन्त्रणमा लिएर अनुसन्धान भइरहेको छ,’ राईले भने ।