२८.१२°C काठमाडौं
दमकका ८ पसलमा आगलागी
दमक — विद्युत् सट भई आगलागी हुँदा झापाको दमकमा ८ वटा पसल जलेर नष्ट भएका छन् । आइतबार बिहान ३ बजेर २० मिनेटतिर दमक नगरपालिका–६ नमुनामार्गस्थित राजु श्रेष्ठको जुत्ता चप्पल पसलमा विद्युत् सर्ट भएर आगलागी भएको थियो ।
आगोले श्रेष्ठको पसलसँगै रहेका संगीता श्रेष्ठ, विजय श्रेष्ठ, कृष्ण न्यौपाने, पुनम घिमिरेसहित ८ जनाको ९ वटा सटरमा सल्किएको थियो । आगलागीबाट कपडा पसल ५, कस्मेटिक, जुत्ता चप्पल र टेलर्स गरी ८ वटा पसल जलेर नष्ट भएको इलाका प्रहरी कार्यालय दमकले जनाएको छ ।
आगो बिहान ६ बजे नियन्त्रणमा लिइएको थियो । आगोले पुर्याएको क्षतिको विवरण संकलन गर्ने कार्य भइरहेको प्रहरीले जनाएको छ ।
प्रतिक्रिया
