काँकडभिट्टा — जंगली हात्तीको आक्रमणबाट झापामा एक व्यक्तिको मृत्यु भएको छ । दक्षिणी झापाको बाह्रदशी गाउँपालिका-१ का ३७ वर्षीय जगतबहादुर भुजेलको मंगलबार अपराह्न हात्ती आक्रमणबाट मृत्यु भएको जिल्ला प्रहरी कार्यालय झापाले जनाएको छ ।
स्थानीय देउराली चारकोशे सामुदायिक वनमा घाँस–दाउरा गरी फर्केने क्रममा भुजेललाई हात्तीले आक्रमण गर्दा घटनास्थलमै मृत्यु भएको प्रत्यक्षदर्शीलाई उद्धृत गर्दै प्रहरीले जनाएको छ । हात्ती आक्रमणबाट जिल्लामा यसै वर्ष ४ जना सर्वसाधारणको मृत्यु भइसकेको छ ।