कान्तिपुरकर्मी गौतम सम्मानित
पाँचथर — कान्तिपुरका पाँचथर समाचारदाता लक्ष्मी गौतमसहित ६ जना पत्रकारलाई नेपाल पत्रकार महासंघ पाँचथर शाखाले सम्मान गरेको छ ।
महासंघले शाखाका पूर्वअध्यक्ष रहेका गौतमसँगै संस्थापक सभापति श्यामबिक्रम पराजुली, पूर्वसभापतिद्वय प्रेम ओझा र कृष्ण ओझा तथा पूर्वअध्यक्षद्वय लवदेव ढुंगाना र लेखनाथ खतिवडालाई सम्मान गरेको हो ।
शाखा स्थापनासँगै लोकतान्त्रिक आन्दोलनका क्रममा खेलेको भूमिकाको कदर स्वरुप सम्मान गरेको शाखाले जनाएको छ । उनीहरुलाई प्रमुख अतिथि एक नम्बर प्रदेशका आर्थिक मामिला तथा योजनामन्त्री इन्द्रबहादुर आङबोले कदरपत्र र दोसल्लाले सम्मान गरे । महासंघले साधारणसभाको अवसर पारेर पुस्तकालयको पनि उद्घाटन गरिएको छ ।
प्रकाशित : पुस २, २०७९ २०:४०प्रतिक्रिया