बाईबाई म्यादी

प्रहरी कार्यालयमा आयोजित कार्यक्रममा उनीहरुलाई प्रमाणपत्र वितरणसँगै अबिरको टिका लगाएर बिदाइ गरिएको थियो ।

यसरी बिदाइ हुँदै गर्दा केही म्यादीको अनुहारम उत्साह त केहीमा निराशा देखिन्थ्यो । करिब डेढ महिनाका साथीसंगी र गुरुवा गुरुआमासँग छुटिनु पर्दा नरमाइलो लागेको बिदाइको लाममा लागेमध्येकी एक जना सीता लिम्बूले बताइन् ।

छोटो अवधिमा भएपनि मुलुकले दिएको जिम्मेवारी पूरा गर्नका साथै शारीरिक व्यायाम गर्ने र अनुशासन सिक्ने अवसर अविस्मरणीय हुने उनीहरुले बताएका छन् । बिदाइमा पाँचथरका प्रमूख जिल्ला अधिकारी गणेश गैरे र प्रहरी नायब उपरीक्षक हरि खतिवडाले म्यादी प्रहरीलाई बधाई र धन्यवाद दिए ।

यस पटकको निर्वाचन प्रयोजनका लागि पाँचथरमा १ हजार १२ जना म्यादी प्रहरी नियुक्त भएका थिए ।