पाँचथर प्रदेशसभा २ मा माओवादी केन्द्रका इन्द्रबहादुर आङ्बो विजयी - प्रदेश १ - कान्तिपुर समाचार

पाँचथर प्रदेशसभा २ मा माओवादी केन्द्रका इन्द्रबहादुर आङ्बो विजयी 

लक्ष्मी गौतम

पाँचथर — पाँचथरको प्रदेशसभा निर्वाचन क्षेत्र २ बाट सत्ता गठबन्धनका साझा उम्मेदवार इन्द्रबहादुर आङ्बो (मौसम) विजयी भएका छन् । प्रतिस्पर्धी नेकपा एमालेका अइन्द्रसुन्दर नेम्वाङलाई ३ हजार ६७ मत अन्तरले पराजित गर्दै आङ्बो दोस्रो पटक यस निर्वाचन क्षेत्रबाट विजयी भएका हुन् ।

आङ्बोलाई १५ हजार ६ सय ७२ मत प्राप्त भएको छ । उनका प्रतिस्पर्धी एमालेका नेम्वाङले १२ हजार ६ सय ५ मत पाएका छन् ।

पाँचथरको फिदिम नगरपालिका ११ घर भएका ४० वर्षीय आङ्बो २०७४ सालको आम निर्वाचनमा तत्कालीन बाम गठबन्धनका तर्फबाट यही क्षेत्रबाट प्रदेशसभा सदस्यमा निर्वाचित भएका थिए । माओवादी केन्द्रका पोलिटब्युरो सदस्य रहेका आङ्बो एक नम्बर प्रदेशका आर्थिक मामिला तथा योजना मन्त्री पनि हुन् ।

उनी यस पटक माओवादी केन्द्र, नेपाली कांग्रेस र नेपाल कम्युनिष्ट पार्टी (एकीकृत समाजवादी) केन्द्रका तर्फबाट साझा उम्मेदवार थिए ।

एमालेका नेम्वाङ नेकपा एमालेका केन्द्रीय सदस्य हुन् । उनी २०७० सालमा नेकपा मालेका तर्फबाट संविधानसभा सदस्यमा पनि निर्वाचित भएका थिए ।

आइतबार भएको मतदानमा उक्त क्षेत्रमा ३४ हजार ७ सय १५ मत खसेको थियो ।

प्रकाशित : मंसिर ८, २०७९ ०४:५९
प्रतिक्रिया
पठाउनुहोस्

सल्यान प्रदेशसभा १ मा माओवादीका शर्मा विजयी

विप्लव महर्जन

सल्यान — प्रदेशसभा १ मा नेकपा माओवादी केन्द्रका उम्मेदवार भीमप्रकाश शर्मा विजयी भएका छन् । शर्माले एमाले उम्मेदवार कुलबहादुर गिरीलाई ८ हजार १८ मतले पछि पार्दै विजयी भएका हुन् ।

मुख्य निर्वाचन कार्यालय सल्यानले सार्वजनिक गरेको पछिल्नो मत गणना अनुसार प्रदेशसभा १ अन्तर्गत माओवादीका उम्मेदवार भीमप्रकाश शर्माले २२ हजार २४३ मत ल्याएका थिए । उनका निकटतम प्रतिद्वन्द्वी गिरीले १४ हजार २२५ मत ल्याएका छन् ।

सत्ता गठबन्धन अन्तर्गत शर्माले एक प्रतिनिधि र दुई प्रदेशसभा रहेको सल्यानमा १ बाट उम्मेदवारी दिएका थिए । शर्माले २०७० सालदेखि संसदीय निर्वाचनमा भाग लिएका थिए । तीन पटक निर्वाचन लडेपनि उनको यो पहिलो जित हो । शर्मा यो भन्दाअघि उनी कर्णाली प्रदेसका मुख्यमन्त्री शाहीका राजनीतिक सल्लाहकार समेत भएका थिए ।

मुख्य निर्वाचनको कार्यालयले प्रतिनिधि सभा र प्रदेशसभा २ को पनि अन्तिम परिणाम पनि छिट्टै आउने जनाएको छ ।



प्रकाशित : मंसिर ८, २०७९ ०४:५७
पूरा पढ्नुहोस्
प्रतिक्रिया
पठाउनुहोस्
×