पशुबलि न्यूनीकरण गर्न सचेतना र्याली
पाँचथर — पाँचथरमा बलिभोग न्यूनीकरणको सन्देश दिने उद्देश्यले सचेतना र्याली निकालिएको छ । दसैंमा देवीदेवता खुसी पार्ने नाममा दिइने पशुबली न्यूनीकरण गर्न सन्देश दिन प्रेमवाद नेपालले सदरमुकाम फिदिममा यस्तो र्याली निकालेको हो ।
र्यालीमा सहभागीहरुले प्राणीको दु:ख पनि आफ्नो दुःखसरह भएकाले उनीहरुको बलि नदिऔं, सम्पूर्ण प्राणीलाई प्रेम गरौं, बलिभोग न्यूनीकरण गरौं, चाडपर्व भड्किलो नबनाऔं, देवीदेवताको पूजा श्रद्धापूर्वक गरौंजस्ता नारा लेखिएका प्ले कार्ड र ब्यानर बोकेका थिए ।
देवीदेवताले कुनै पनि प्राणीको बलि भोग नमाग्ने र नखाने भएकाले उनीहरूका नाममा काटमार गर्नु नहुने र्यालीपश्चात आयोजित कोणसभाका वक्ताहरूले जोड दिए ।
कार्यक्रममा प्रेमवाद नेपाल (हेभन्ली पाथ नेपाल) र ब्रह्मकुमारी राजयोग सेवा केन्द्रलगायत बौद्ध धर्मावलम्वीहरूको सहभागिता थियो ।
विश्व प्राणी दिवसको अवसरमा सोमबार आयोजित र्याली फिदिम-१ लिम्बुवान गेटबाट सुरु भई नगर परिक्रमा गर्दै गणतन्त्र चोकमा पुगेर कोणसभापश्चात टुंगिएको थियो ।
प्रकाशित : आश्विन १७, २०७९ २१:३९