ब्राउन सुगरसहित पाँचथरमा युवक पक्राउ
पाँचथर — पाँचथर प्रहरीले प्रतिबन्धित लागूऔषध ब्राउन सुगरसहित एक जनालाई पक्राउ गरेको छ ।
पक्राउ पर्नेमा फिदिम–४ का १८ वर्षीय राजेन्द्र परियार छन् । गस्तीमा निस्केको प्रहरी टोलीले परियारको साथबाट दुई सय मिलिग्राम परिमाणको ६ पोका ब्राउन सुगर बरामद गरेको जिल्ला प्रहरी कार्यालय पाँचथरका प्रहरी निरीक्षक सन्तोष राईले जानकारी दिए ।
सोमबार साँझ पक्राउ परेका उनलाई जिल्ला अदालत पाँचथरबाट १० दिनको म्याद थपेर अनुसन्धान सुरु गरिएको पनि प्रहरीले जनाएको छ ।
प्रकाशित : आश्विन ११, २०७९ ११:१६प्रतिक्रिया
