जसपा छाडेका थापालगायत १३ जना माओवादी प्रवेश
खोटाङ — जनता समाजवादी पार्टी परित्याग गरेका टंकबहादुर थापालगायत १३ जना माओवादी केन्द्रमा प्रवेश गरेका छन् । साउन ३० गते जसपा छाडेका उनीहरु बुधबार माओवादी केन्द्रमा प्रवेश गरेका हुन् । थापा जसपा खोटाङ अध्यक्ष थिए ।
माओवादी प्रवेश गर्नेहरुमा देवकुमार राई, नवीन किशोर राई, दीपककुमार तामाङ, प्रवचन राई, मनोज राई, जुलन राई, सविन राई, किरण राई, सन्तोष तामाङ, भुवन राई, कर्ण तामाङ र मेखबहादुर तामाङ छन् । थापालगायत ३९ जनाले जसपा छाडेको घोषणा गरेका थिए ।
प्रकाशित : भाद्र १, २०७९ १८:५२