फरार संक्रमित कैदी पक्राउ- प्रदेश १ - कान्तिपुर समाचार

फरार संक्रमित कैदी पक्राउ

कान्तिपुर संवाददाता

विराटनगर — कोसी कोभिड अस्पतालमा उपचारका क्रममा फरार भएका संक्रमित कैदी शुक्रबार पुन: पक्राउ परेका छन् । 

कोरोना संक्रमण पुष्टि भएपछि कोभिड अस्पतालमा उपचार गराइरहेका लेनदेन मुद्दाका कैदी विराटनगर १८ का लक्ष्मण दास बिहीबार शौचालय जाने क्रममा सुरक्षाकर्मीलाई छलेर फरार भएका थिए ।

उनलाई शुक्रबार विराटनगर १४ बाट पुन: नियन्त्रणमा लिएको डिएसपी दिपक श्रेष्ठले बताए ।

प्रकाशित : श्रावण २७, २०७९ १६:३८
प्रतिक्रिया
पठाउनुहोस्

रामेछापमा कान्तिपुरकर्मीसहित दुई पत्रकार सम्मानित

टीकाप्रसाद भट्ट

रामेछाप — नेपाल आदिवासी पत्रकार महासंघ (फोनिज)को स्थापना दिवसको अवसरमा रामेछापस्थित कान्तिपुर दैनिकका उपसम्पादक टीकाप्रसाद भट्टलाई खोज पत्रकारिता वर्ष पुरस्कारसहित सम्मान गरिएको छ । उक्त पुरस्कारको स्थापना यसै वर्ष भएको हो । 

कार्यक्रममा आदिवासी जनजाति उत्कृष्ट पत्रकारको पुरस्कारसहित पत्रकार नवराज श्रेष्ठलाई पनि सम्मान गरिएको छ । फोनिज जिल्ला अध्यक्ष कुमार श्रेष्ठको अध्यक्षतामा शुक्रबार मन्थलीमा भएको पुरस्कार तथा सम्मान कार्यक्रममा फोनिजका वाग्मती प्रदेश अध्यक्ष युवराज श्रेष्ठ, रामेछाप नगरपालिकाकी उपप्रमुख बालकुमारी कार्की थापा र मन्थली नगरपालिकाकी उपप्रमुख ईश्वरी बस्नेतले उनीहरुलाई सम्मान तथा पुरस्कार प्रदान गरेका हुन् । खोजी पत्रकारिता क्षेत्रमा पुरस्कृत भएका भट्ट २०४९ सालदेखि कान्तिपुर दैनिकमा आबद्ध छन् ।

यसैगरी जनजाति उत्कष्ट पुरस्कार प्राप्त गरेका श्रेष्ठ फोके टेलिभिजनलगायत विभिन्न संचारमाध्यममा क्रियाशील छन् ।

कार्यक्रममा विभिन्न वक्ताहरुले पत्रकारिता क्षेत्रबाट जिल्ला विकास निर्माण र सामाजिक मुद्दाहरुलाई निष्पक्ष ढंगले उठाउनु पर्नेमा जोड दिएका थिए । समाजका सकारात्मक र नकारात्मक कुरालाई पत्रकारहरुले समान आँखाले हेर्नुपर्नेमा सहभागीहरुले जोड दिएका थिए ।


प्रकाशित : श्रावण २७, २०७९ १६:१७
पूरा पढ्नुहोस्
प्रतिक्रिया
पठाउनुहोस्
x
×