२३.१२°C काठमाडौं
काठमाडौंमा वायुको गुणस्तर: १६९

ताप्लेजुङको सान्थाक्रामा आगलागी

आनन्द गौतम

सल्यान — मेरिङदेन गाउँपालिका–२ सान्थाक्रामा सोमबार बिहान आगलागी हुँदा एक घर र मतान जलेको छ । स्थानीय दाबा शेर्पाको घर र मतान जलेर ध्वस्त भएको पासांकी शेर्पाले जानकारी दिइन् ।

ताप्लेजुङको सान्थाक्रामा आगलागी

शेर्पाका अनुसार बिहान करिब ३ बजेतिर आगलागी भएको थियो । घरमा सुतिरहेका तीन जना भाग्न सफल भएका थिए । पासांकीका अनुसार चाँडै थाहा पाएपछि उनीहरु भाग्न सकेका हुन् । आफ्नो हजुरबुबा, आमा र एक जना दाइ रहेको उनले बताइन् । आगलागीबाट घर र मतानभित्र रहेका खाद्यान्न, लत्ताकपडा, भाडावर्तन लगायतका सामग्री जलेर नष्ट भएका छन् ।

विद्युत सट भएर आगलागी भएको हुन सक्ने स्थानीयको अनुमान छ । दोभान इलाका प्रहरी कार्यालयबाट जाने प्रहरी टोलीले क्षतिको विवरण संकलन गर्ने जिल्ला प्रहरी कार्यालयले जनाएको छ ।

प्रकाशित : श्रावण २, २०७९ ०८:४१
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक जग्गा कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?