उदयपुरमा पौडी खेल्नेक्रममा दुई बालिका बेपत्ता- प्रदेश १ - कान्तिपुर समाचार

उदयपुरमा पौडी खेल्नेक्रममा दुई बालिका बेपत्ता

कान्तिपुर संवाददाता

उदयपुर — स्थानीय सिसाखोलामा पौडी खेल्ने क्रममा बगाउँदा दुई बालिका बेपत्ता भएका छन् । उदयपुरको त्रियुगा नगरपालिका–१४ साउने धाप्लाङका ती बालिका बुधबार बेपत्ता भएका हुन् । त्रिनपा–१४ साउनेका पूर्ववडाध्यक्ष कुरुङ राईका अनुसार खोलालले बगाएर सुनकोसी नदीमा बेपत्ता हुने बालिकामा स्थानीय १३ वर्षीया विपना राई र अर्का १२ वर्षीया वीना राई रहेका छन् ।

राईका अनुसार दिनको १:४५ बजेतिर गोठालो गएका दुई बालिका स्थानीय सिसाखोला दोभानमा पौडी खेल्ने क्रममा सिसाखोलाले बगाएर सुनकोसी नदीमा डुब्न पुगेको कारण बेपत्ता भएका हुन् । घटनालगत्तै स्थानीयवासी र प्रहरीचौकी साउनेबाट गएका प्रहरीले समेत खोलाले बगाएको बालिकाको निरन्तर खोजीकार्य गरिरहेको तर फेला पार्न नसकेको साउनेका अर्का स्थानीय देव मगरले बताए ।

जिल्ला प्रहरी कार्यालयका प्रमुख सुवास बोहराका अनुसार घटनाबारे प्रहरीमा खबर आएलगत्तै प्रहरीचौकी साउनको प्रहरी टोलीले घटनास्थलमा गएर खोजी जारी राखेको तर साँझ परिसकेकाले फेला पार्न नसकिएको प्रहरी प्रमुख बोहराले बताए । बिहीबार बिहान उज्यालो हुनेसाथ बेपत्ता बालिकाको थप खोजीकार्य जारी राख्ने पनि प्रहरीले बताएको छ ।

प्रकाशित : असार २२, २०७९ २२:०३
प्रतिक्रिया
पठाउनुहोस्

एसियन प्यासिफिक र टिम किरण बास्केटबल फाइनलमा

कान्तिपुर संवाददाता

काठमाडौँ — एसियन प्यासिफिक र टिम किरण ऋत एसईई कप थ्री बाइ थ्री बास्केटबल प्रतियोगिताको गर्ल्सतर्फ फाइनलमा पुगेका छन् ।

आयोजक ऋत एकेडेमीको कोर्टमा बुधबार सेमिफाइनलमा प्यासिफिकले बलर्स एकेडेमीलाई ६–४ स्कोरले पराजित गर्‍यो । अर्को सेमिफाइनलमा टिम किरणले हिमालयन गर्ल्समाथि ८–४ को जित पायो ।

ब्वाइजमा आयोजक ऋत, न्यु जेनिथ ‘बी’ र एन्जल्स हार्ट ‘ए’ सेमिफाइनलमा पुगेका छन् । ऋतले स्किब्सलाई ५–४, न्यु जेनिथले एन्जल्स हार्ट ‘बी’ लाई ८–६ तथा एन्जल्स हार्ट ‘ए’ ले इन्साइट भिजन ‘बी’ लाई ६–५ ले हराए । सेमिफाइनलमा ऋतको भेट न्यु जेनिथसँग हुनेछ । एन्जल्स हार्टले इन्साइट भिजन र न्यु जेनिथ ‘ए’ बीचको विजेतासँग खेल्नेछ ।

ओमेगा कप बिहीबारदेखि

ओमेगा स्कुलको आयोजनामा तेस्रो ओमेगा कप एसईई थ्री बाइ थ्री बास्केटबल प्रतियोगिता बिहीबार सुरु हुँदै छ ।

प्रतियोगितामा ब्वाइजतर्फ २० र गर्ल्समा ५ टिमको सहभागिता रहने ओमेगाका संयोजक मनोज राजोपाध्यायले जनाए । खेल लिगकम नकआउट आधारमा हुनेछ । ब्वाइजमा पहिलो हुनेले १० हजार र दोस्रोले ५ हजार नगद पुरस्कार पाउने छन् । गर्ल्सको विजेताले ७ हजार र उपविजेताले ५ हजार नगद पुरस्कार पाउनेछन् ।

प्रकाशित : असार २२, २०७९ २२:००
पूरा पढ्नुहोस्
प्रतिक्रिया
पठाउनुहोस्
×