झापामा फेरि हात्ती मृत फेला

त्यही जंगल नजिकै खेतमा हात्ती मृत भेटिएको रेन्जर राजेश घिमिरेले जानकारी दिए । उनका अनुसार राति ३ वटा हात्ती आएका थिए । दुई हात्ती बिहानै जंगल छिरे । एउटा चाहीँ रन्थनिएर लडेको स्थानीयले देखेका थिए ।

‘हात्तीको मृत्युको कारण अनुमान गर्न सकिएको छैन,’ रेन्जर घिमिरेले भने, ‘शरीरमा घाउ तथा चोटपटक केही छैन । के कारणले मर्‍यो भन्नेबारे अनुसन्धान शुरु भएको छ ।’

जंगल क्षेत्र नजिकैको बस्तीका बासिन्दाले बालीनाली जोगाउन करेन्ट छाड्ने गर्छन् । हात्ती करेन्ट लागेरै मरेको हो या होइन‚ पोस्टमार्टम रिपोर्टपछि मात्रै थाहा हुने छ । गत शुक्रबार बुद्धशान्ति-५ मा पनि एक हात्ती मृत भेटिएको थियो । जिल्लामा लगातार हात्ती मर्न थालेपछि संरक्षणकर्मीहरू चिन्तित बनेका छन् ।