झापाका २ सय घर डुबानमा- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

झापाका २ सय घर डुबानमा

पर्वत पाेर्तेल

झापा — झापाका २ सयभन्दा बढी घर डुबानमा परेका छन् । मेची, रतुवा, मावा, कमल, कन्काई लगायतका नदीमा पानीको सतह बढेसँगै यहाँका बस्ती र घर डुबानमा परेका हुन् ।

जिल्ला प्रहरी कार्यालयलाई प्राप्त विवरण अनुसार हालसम्म यहाँका २ सय ५ घर डुबानमा परेका छन् ।

प्रहरीका अनुसार गौरादह–६ तेलिया डाँगीमा रतुवा खोला पसेर बाढी आएको हो । यहाँका ४ र ५ नम्बर वडाका ५० घर डुबानमा परेका छन् । त्यस्तै भद्रपुरमा २५ घरमा बाढी पसेको छ । शिवसताक्षीका ३ र ४ नम्बर वडामा कमल खोला पसेर ४० घर डुबानमा परेका छन् भने झापा–१ मिलनबस्तीका ९० घर डुबानमा परेको प्रारम्भिक जानकारी आएको जिल्ला प्रहरी कार्यालयले जनाएको छ ।

बर्खा लागेसँगै यहाँका सबैजसो नदी र खोलमा पानीको सतह बढेकोका कारण बस्तीहरु जोखिममा परेका छन् ।

प्रकाशित : असार १४, २०७९ १२:३४
प्रतिक्रिया
पठाउनुहोस्

ज्योतिनगर जलमग्‍न

सन्जु पौडेल

तिलोत्तमा — बुटवल उपमहानगरपालिका–३ ज्योतिनगरमा ढलले निकास नपाएर जम्मा भएको पानीले भेलबाढीको रुप लिएर घरघरमा पसेको छ । सोमबार रातिदेखि आएको पानी जम्मा भएर घरघरमा लेदोसहितको भेल पसेको हो ।

नगर प्रहरीले ज्योतिनगरमा बुझिएको ढल खुलाएको र स्थानीयलाई सुरक्षित गरिएको जनाएको छ । बुटवलका डीएसपी ठगबहादुर केसीका अनुसार त्यहाँ कम्तीमा सात घरमा भेलबाढी पसेको खबर आएको छ ।

सहरमा ढलको व्यवस्थापनमा हेलचक्र्याइँ गर्नाले यहाँका स्थानीयले बर्सेनि भेलबाढीको समस्या झेल्नु परेको छ । बर्खाको समयमा तिनाउ उर्लेर आउँदा पनि समस्या निम्त्याउने गरेको छ ।

प्रकाशित : असार १४, २०७९ १२:११
पूरा पढ्नुहोस्
प्रतिक्रिया
पठाउनुहोस्
×