नगरपालिकाले ४ करोडमा बनाएकोसंरचना ४ महिनामै भासियो- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

नगरपालिकाले ४ करोडमा बनाएकोसंरचना ४ महिनामै भासियो

डम्बरसिं राई

खोटाङ — दिक्तेल रुपाकोट मझुवागढी नगरपालिका–१ रत्नपार्कमा निर्माण गरिएको सपिङ कम्प्लेक्स र चिल्ड्रेन पार्कको टेवा पर्खाल भासिएको छ । संस्कृति, पर्यटन तथा नागरिक उड्ययन मन्त्रालय र नगरपालिकाको साझेदारीमा चार करोड ३७ लाख ८४ हजार सात सय ५१ रुपैयाँको लागतमा निर्माण गरिएको उक्त संरचना गत फागुन ३ गते उद्घाटन भएको थियो ।

सपिङ कम्प्लेक्सको तल्लो तलामा १४ वटा सटर र माथिल्लो तलामा रेष्टुरेन्ट हल, विभिन्न स्टल सञ्चालन गर्न मिल्ने गरी उक्त संरचना बनाइएको थियो । व्यवसायिक प्रयोजनका लागि बनाइएको उक्त संरचना मासिक दुई लाख ९७ हजार भाडा उठ्ने गरी निर्माण गरिएको थियो । सपिङ कम्प्लेक्सको माथिल्लो तलाको पछाडिपट्टि चिल्ड्रेन पार्क बनाइएको छ । चिल्ड्रेन पार्क नजिक बनाइएको स्वीमिङ पुल र सपिङ कम्प्लेक्सको पूर्वी मोहडाको पर्खालसमेत भासिएको छ ।

उमा–लामा–अनसुवी जेभीले ठेक्का लिएको उक्त संरचना निर्माणको चार महिनामै भासिएको हो । निर्माण कम्पनीले काम सकेपछि गत फागुन ३ गते दिक्तेल रुपाकोट मझुवागढी नगरपालिकाका निवर्तमान प्रमुख दीपनारायण रिजाल र विणादेवी राईले उद्घाटन गरेका थिए ।

तर हालसम्म चिल्ड्रेन पार्क प्रयोगमा आएको छैन । सपिङ कम्प्लेक्स पनि पूर्ण रुपमा भाडा लागेको छैन । प्रयोगमा नआउँदै संरचना भत्किएकाले प्राविधिक आधारमा के कति क्षति भएको हो, डिटेल स्टिमेटमा के कस्तो छ भन्ने जस्ता विषयमा तथ्य प्रतिवेदन बुझाउन इन्जिनियरलाई निर्देशन गरिएको नगरप्रमुख तीर्थराज भट्टराईले बताए ।

‘चार महिनामै सपिङ कम्प्लेक्सको पछाडिपट्टिको भाग पूरै भत्किएको छ,’ भट्टराईले भने, ‘प्रतिवेदन आएपछि के गर्ने भन्ने टुंगो लाग्छ ।’

प्रकाशित : असार १३, २०७९ १५:२९
प्रतिक्रिया
पठाउनुहोस्

२ अर्बको सेयर कारोबार, नेप्से घट्यो

कान्तिपुर संवाददाता

काठमाडौँ — आइतबार ९५ अंक बढेको सेयर बजारको वृद्धि दुई दिन पनि टिक्न सकेन । सोमबार सेयर बजार खुल्दा परिसूचक नेप्से केही बढे पनि बन्द हुँदा भने २३.८५ अंकले घटेको छ । सो अंकको गिरावटपछि नेप्से १९३३ अंकमा कायम भएको छ । यस दिन २ अर्ब ४ करोड रुपैयाँकाे काराेबार भयाे । आइतबार २ अर्ब १९ करोडको काराेबार भएको थियो । 

कुल १६८ कम्पनीको मूल्य घट्यो भने २४ को बढ्यो । बैंकिङ १२, विकास बैंक ११७, फाइनान्स ३०, होटल तथा पर्यटन ७०, जलविद्युत् ६०, उत्पादन ४१, माइक्रोफाइनान्स ६७, निर्जीवन बीमा ९७, अन्य ३७ र ब्यापार उपसमूह ३४ अंकले घटे । जीवन बीमा उपसमूह भने ११३ अंक बढ्यो ।

सीवाईसी लघुवित्त र न्यादी हाइड्रोको मूल्य करिब १० प्रतिशत बढ्यो । लाइफ इन्स्योरेन्स कर्पोरेसनको मूल्य ९ प्रतिशत बढ्यो । उन्नति सहकार्य लघुवित्तको मूल्य १० प्रतिशत घट्यो । कारोबार रकमका आधारमा नागरिक लगानी कोष, हिमालयन डिस्टिलरी, लाइफ इन्स्योरेन्स कर्पोरेसन, नबिल बैंक र एसियन लाइफ इन्स्योरेन्स कम्पनी क्रमश: अगाडि रहे ।

प्रकाशित : असार १३, २०७९ १५:२४
पूरा पढ्नुहोस्
प्रतिक्रिया
पठाउनुहोस्
×