२५.१२°C काठमाडौं
संखुवासभाको खाँदबारी बजार अनुगमन
संखुवासभा — खाद्य प्रविधि तथा गुण नियन्त्रण डिभिजन कार्यालय धनकुटाले संखुवासभाको खाँदबारी बजार अनुगमन गरेको छ । आइतबार ७ वटा खाद्य पसल, २ बेकरी उद्योग र १ आँप सप्लायर्सको पसल अनुगमन गरेको हो ।
अनुगमनका क्रममा विभिन्न खाद्य पसलबाट म्याद नाघेका, बिग्रिएका, ढुसी लागेका, लेबल विवरण नभएका खाद्यवस्तु भेटिएको खाद्य प्रविधि तथा गुण नियन्त्रण डिभिजन कार्यालय धनकुटाका कार्यालय प्रमुख अनुप हलवाईले बताए ।
त्यस्तै मसलाजन्य पदार्थ, जुस, बिस्कुट, सुजी, पिनट बार,सोनपापडीलगायत करिब बयानब्बे हजार रुपैयाँ बराबरको खाद्यपदार्थ जफत गरी नष्ट गरिएको हलवाईले जनाए ।
उपभोक्ता स्वयंले समेत खाद्य तथा पेय पदार्थ खरिद गर्दा अनिवार्य लेबल हेरी म्याद कायम भएका मात्र खरिद गर्ने, दूषित‚ ढुसी लागेका खाद्यपदार्थ खरिद नगर्ने; खाद्य पदार्थको स्वच्छतामा ध्यान दिएर मात्र उपभोग गर्नुपर्ने उनले बताए ।
प्रकाशित : असार १२, २०७९ १८:५९
