जुट उद्योगमा मेसिनले हात काटिएर मजदुरको मृत्यु

असार १०, २०७९कान्तिपुर संवाददाता

मोरङ — विराटनगरस्थित रघुपति जुटमिलमा मेसिनले हात काटिएर एक जनाको मृत्यु भएको छ । जुटमिलमा मेसिन अपरेटरको काम गर्दै आएका विराटनगर १४ का ४२ वर्षीय राजो कामतको मृत्यु भएको हो ।

मिलमा बिहीबार राति १० बजे काम गर्ने क्रममा कामतको बाँया हातको कुमबाटै काटिएर घाइते भएको र तत्काल उपचारका लागि विराट नर्सिङ होम ल्याउँदा चिकित्सकले मृत घोषणा गरेको जिल्ला प्रहरी मोरङका सूचना अधिकारी प्रहरी नायब उपरीक्षक दिपक श्रेष्ठले बताए ।