झापाको शिवसताक्षीमा पुनः एमाले विजयी
झापा — झापाको शिवसताक्षी नगरपालिकामा पुनः एमाले विजयी भएको छ । २०७४ मा पनि प्रमुख–उपप्रमुख दुवै पद एमालेले जितेको थियो । एमालेका मेघाहाङ थोप्रा (रोशन) ले कांग्रेसका परशुराम ढुंगानालाई पराजित गरे । थोप्राले १६ हजार ४९८ मत पाउँदा ढुंगानाले १३ हजार ५० मतमा चित्त बुझाए ।
ढुंगाना अघिल्लोपटक पनि एमालेकै चन्द्रकुमार शेर्मासँग पराजित भएका थिए ।
उपप्रमुखमा एमालेकी नरमाया कार्कीले १४ हजार १५५ मत पाउदा गठबन्धनका उम्मेदवार महेन्द्र भट्टराईले ९ हजार ५२५ मत पाए । भट्टराई अघिल्लोपटक माओवादी केन्द्रबाट प्रमुखका उम्मेदवार थिए । ११ वडामध्ये एमालेले आधाभन्दा बढी वडामा एक्लौटी जित हासिल गरेको छ ।