पाँचथरको फिदिममा कांग्रेसका काफ्ले र माओवादी केन्द्रका न्यौपाने निर्वाचित- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

पाँचथरको फिदिममा कांग्रेसका काफ्ले र माओवादी केन्द्रका न्यौपाने निर्वाचित

लक्ष्मी गौतम

पाँचथर — फिदिम नगरपालिकामा सत्ता गठबन्धनका उम्मेदवार विजयी भएका छन् । गठबन्धनबाट मेयरमा नेपाली कांग्रेसका मित्रप्रसाद काफ्ले र उपमेयरमा नेकपा माओवादी केन्द्रका राधाकृष्ण न्यौपाने निर्वाचित भएका छन् ।

काफ्लेले नेकपा एमालेका उम्मेद्वार पृथ्वी लावतीलाई ६०१ मत अन्तरले हराँउदै फिदिमको मेयर बनेका हुन्। काफ्लेले ९ हजार ६२८ मत पाँउदा लावतीलाई ९ हजार २७ मत प्राप्त भएको छ ।

उपमेयर पदमा नेकपा माओवादी केन्द्रका न्यौपानेले राप्रपाका जगत थापा मगरलाई ३ हजार १९५ मतको फराकिलो मत अन्तरले पराजित गरे । उनले ८ हजार ७७३ मत पाउँदा थापाले ५ हजार ५७८ मत पाएका छन् । १४ वटा वडा रहेको फिदिममा २०७४ सालको स्थानीय निर्वाचनमा नेपाली कांग्रेसले ९ वटा वडा सहित मेयर र उप मेयर जितेको थियो ।

यस पटक यहाँ सत्ता गठबन्धन दल एक ठाउँमा उभिएका थिए भने एमालेले राप्रपा र जनता समाजवादी पार्टीसँग तालमेल गरेको थियो ।

प्रकाशित : जेष्ठ ४, २०७९ १८:२१
प्रतिक्रिया
पठाउनुहोस्

प्रधानसेनापति शर्मा र इजरायली राजदूत गोडरबीच भेटवार्ता

कान्तिपुर संवाददाता

काठमाडौँ — प्रधानसेनापति प्रभुराम शर्मा र इजरायलका लागि नेपाली राजदूत हनान गोडरबीच भेटवार्ता भएको छ । सैनिक मुख्यालय जंगी अड्डामा बुधबार उनीहरूको भेटवार्ता भएको नेपाली सेनाले जनाएको छ ।

भेटमा दुई पक्षीय आपसी हित तथा पारस्परिक सम्बन्धका विषयमा छलफल भएको सेनाले जनाएको छ । ‘यस किसिमको भेटघाटले दुई देशबीच रहेको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास नेपाली सेनाले दिएको छ,’ सेनाद्वारा जारी विज्ञप्तिमा भनिएको छ ।



प्रकाशित : जेष्ठ ४, २०७९ १८:२०
पूरा पढ्नुहोस्
प्रतिक्रिया
पठाउनुहोस्
×