सोलुदुधकुण्ड नगरपालिकामा कांग्रेसका उम्मेदवार विजयी- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

सोलुदुधकुण्ड नगरपालिकामा कांग्रेसका उम्मेदवार विजयी

भानुभक्त निरौला

सोलुखुम्बु — सोलुदुधकुण्ड नगरपालिकामा नेपाली कांग्रेसका नाम्गेलजाङ्बु शेर्पा र गान्धिमाया तामाङ निर्वाचित भएका छन् । मेयरमा निर्वाचित शेर्पा सोलुखुम्बु कांग्रेसका सभापति समेत हुन् । शेर्पाले नेकपा एमालेका उम्मेदवार आङकाजी शेर्पालाई ६ सय ७८ मतान्तरले पराजित गर्दै दोश्रो कार्यकालका लागि मेयरमा निर्वाचित भएका हुन् ।

उनले ४ हजार ९ सय ६८ मत ल्याउँदा एमाले उम्मेदवार आङकाजीले ४ हजार २ सय ९० मत ल्याए । यहाँ माओबादी केन्द्रका उम्मेदवार निमातेण्डुप शेर्पाले १ हजार १ सय ८७ मत ल्याएका छन् ।

उपमेयरमा तामाङले ४ हजार ३ सय ८५ मत ल्याइन् । उनका निकटतम प्रतिस्पर्धी नेकपा एमालेकी उम्मेदवार मोहनकुमारी कार्कीले ४ हजार २ सय ७३ मत पाएकी छिन् । विजयी तामाङ कांग्रेसको महाधिबेशन प्रतिनिधि तथा १ नम्बर प्रदेश समिति सदस्य समेत हुन् ।

उपमेयरमा माओबादी केन्द्रकी उम्मेदवार शारदामाया तामाङ १ हजार ८९ मत ल्याइन् । ११ वटा वडा रहेको नगरपालिकामा ६ वटा वडामा कांग्रेस, ४ वडामा नेकपा एमाले र १ वडामा माओबादी केन्द्रका उम्मेदवारले वडाध्यक्ष जितेका छन् ।

प्रकाशित : जेष्ठ ४, २०७९ १६:४०
प्रतिक्रिया
पठाउनुहोस्

सोलुखुम्बुको नेचासल्यान गाउँपालिकामा कांग्रेस उम्मेदवार विजयी 

भानुभक्त निरौला

सोलुखुम्बु — सोलुखुम्बुको नेचासल्यान गाउँपालिकामा नेपाली कांग्रेसका उम्मेदवार विजयी भएका छन् ।  नेचासल्यानको गाउँपालिका अध्यक्षमा कांग्रेसका धनराज राई र उपाध्यक्षमा बिना राई निर्वाचित भएका हुन् । कांग्रेसका क्षेत्रीय सभापति समेत रहेका धनजन राईले २ हजार ५ सय ५९ मत ल्याएका छन् । प्रमुख प्रतिद्वन्द्वी एमालेका डुफकुमार बाँस्तोलाले २ हजार ३ सय १३ मत ल्याएका थिए ।  यो पालिकामा माओवादी केन्द्रका उम्मेदवार भुपेन्द्र कट्टेलले १ हजार १ सय १९ मत पाए ।

त्यस्तै, उपाध्यक्षमा पनि कांग्रेस उम्मेदवार बिना राई निर्वाचित भएकी छन् । उनले २ हजार ९ स ६ मत ल्याउँदा एमाले उम्मेदवार सृजना राईले १ हजार ७ सय ८१ मत पाइन् । माओवादी केन्द्र र एकीकृत समाजवादीको गठबन्धनबाट उपाध्यक्ष उम्मेदवार बनेका नेकपा (एस)का जिल्ला सचिव डिल्ली राईले ८ सय २७ मत ल्याए । ५ वटा वडा रहेको नेचासल्यानका वडा १, २ र ४ मा नेपाली कांग्रेस, वडा ३ मा माओवादी केन्द्र र वडा ५ मा एमालेले जितेको छ । ०७४ सालको स्थानीय तह निर्वाचनमा नेचासल्यानको अध्यक्ष एमालेले जितेको थियो ।

प्रकाशित : जेष्ठ ४, २०७९ १३:०५
पूरा पढ्नुहोस्
प्रतिक्रिया
पठाउनुहोस्
x
×