खोटाङको साकेलामा कांग्रेसका रविप्रकाश र माओवादीकी बिर्सिका निर्वाचित
खोटाङ — साकेला गाउँपालिकाको अध्यक्षमा कांग्रेसका रविप्रकाश राई विजयी भएका छन् । उनले एक हजार आठ सय ५० मत ल्याएर विजयी भएका हुन् । राईका निकटतम् प्रतिद्वन्द्वी नेकपा माओवादी केन्द्रका अर्जुनकुमार खड्काले एक हजार सात सय ७२ मत ल्याएर पराजित भए ।
एमालेका गोपीकृष्ण खड्काले नौ सय ६७ मत ल्याएका छन् । उपाध्यक्षमा नेकपा माओवादी केन्द्रकी बिर्सिका राई विजयी भएकी छन् । उनले दुई हजार १२ मत ल्याइन् ।
उनकी निकटतम् प्रतिद्वन्दी कांग्रेसकी सरिता खड्काले एक हजार २४ मत र एमालेकी दिलकुमारी राईले नौ सय ८६ मत ल्याएकी छन् ।