सोलुखुम्बुको माप्य दूधकोशीमा एमालेका राई निर्वाचित- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

सोलुखुम्बुको माप्य दूधकोशीमा एमालेका राई निर्वाचित

भानुभक्त निरौला

सोलुखुम्बु — माप्य दुधकोशी गाउँपालिकाको अध्यक्षमा नेकपा एमालेका बुद्धिकिरण राई पुन: निर्वाचित भएका छन् । राईले ३ हजार ३ सय ४३ मत सहित दोस्रो कार्यकालका लागि अध्यक्षमा निर्वाचित भएका हुन् ।

उनका निकटतम प्रतिद्वन्द्वी गठबन्धनबाट नेपाली कांग्रेसका उम्मेदवार चन्द्र राइले २ हजार ९ सय ८५ मत प्राप्त गरेका छन् ।

यस्तै, उपाध्यक्ष पदमा गठबन्धनबाट नेकपा माओवादी केन्द्रका गौरव राई निर्वाचित भएका छन् । उनले ३ हजार ७७ मत प्राप्त गरेका छन् । उनका निकटतम प्रतिद्वन्द्वी नेकपा एमालेकी उम्मेदवार जुनिता माया मगरको ३ हजार ४९ मत पाएकी छिन् ।

प्रकाशित : जेष्ठ २, २०७९ ११:००
प्रतिक्रिया
पठाउनुहोस्

महाकुलुङको अध्यक्ष र उपाध्यक्षमा कांग्रेसका सूर्य र विपना विजयी

भानुभक्त निरौला

सोलुखुम्बु — सोलुखुम्बुको महाकुलुङ गाउँपालिकाको अध्यक्ष र उपाध्यक्ष दुवै पदमा नेपाली कांग्रेसका उम्मेदवार विजयी भएका छन् । अन्तिम मतपरिणाम सार्वजनिक भए अनुसार अध्यक्षमा कांग्रेसका सूर्य बहादुर कुलुङले २ हजार १ सय मत र उपाध्यक्षमा पनि कांग्रेसकै विपना कुलुङले १ हजर ९ सय २९ मतसहित विजयी भएको निर्वाचन अधिकृत टेकनाथ अधिकारीले जानकारी दिए ।


उनका अनुसार सूर्य कुलुङका निकटतम प्रतिस्पर्धी माओवादी केन्द्रका सागर किरातीले १ हजार ६ सय २६ मत प्राप्त गरेका छन् भने माओवादी केन्द्रकै उपाध्यक्ष पदकी उम्मेदवार छविमाया कुलुङले १ हजार ४ सय ८३ प्राप्त गरेकी थिइन।

यस्तै नेकपा एमालेका भक्त कुलुङले अध्यक्षमा १ हजार ४ सय ५२ र उपाध्यक्षमा शुभधनी कुलुङले १ हजार ७ सय ३३ मत प्राप्त गरेको निर्वाचन समितिले जनाएको छ ।

७ हजार ७ सय ८४ मतदाता रहेको महाकुलुङमा ५ हजार ४ सय ४१ मत खसेको थियो । उक्त पालिकामा यसअघि माओवादी केन्द्रबाट अध्यक्ष र नेपाली कांग्रेसबाट उपाध्यक्ष निर्वाचित भएका थिए ।

प्रकाशित : जेष्ठ २, २०७९ १०:३२
पूरा पढ्नुहोस्
प्रतिक्रिया
पठाउनुहोस्
x
×