सोलुखुम्बुको माप्य दूधकोशीमा एमालेका राई निर्वाचित- प्रदेश १ - कान्तिपुर समाचार

सोलुखुम्बुको माप्य दूधकोशीमा एमालेका राई निर्वाचित

भानुभक्त निरौला

सोलुखुम्बु — माप्य दुधकोशी गाउँपालिकाको अध्यक्षमा नेकपा एमालेका बुद्धिकिरण राई पुन: निर्वाचित भएका छन् । राईले ३ हजार ३ सय ४३ मत सहित दोस्रो कार्यकालका लागि अध्यक्षमा निर्वाचित भएका हुन् ।

उनका निकटतम प्रतिद्वन्द्वी गठबन्धनबाट नेपाली कांग्रेसका उम्मेदवार चन्द्र राइले २ हजार ९ सय ८५ मत प्राप्त गरेका छन् ।

यस्तै, उपाध्यक्ष पदमा गठबन्धनबाट नेकपा माओवादी केन्द्रका गौरव राई निर्वाचित भएका छन् । उनले ३ हजार ७७ मत प्राप्त गरेका छन् । उनका निकटतम प्रतिद्वन्द्वी नेकपा एमालेकी उम्मेदवार जुनिता माया मगरको ३ हजार ४९ मत पाएकी छिन् ।

प्रकाशित : जेष्ठ २, २०७९ ११:००
प्रतिक्रिया
पठाउनुहोस्

लुम्बिनीमा ओ‌र्लिए लगत्तैै मोदीले भने, 'बुद्ध जन्मस्थल आउन पाएकोमा खुसी छु'

दीपेन्द्र बडुवाल

लुम्बिनी — भारतीय प्रधानमन्त्री नरेन्द्र मोदी लुम्बिनी ओर्लिएका छन् । उनी सोमबार बिहान साढे १० बजे भैरहवामा आइपुगेका थिए ।

त्यहाँबाट उनी सिधै लुम्बिनीस्थित मायादेवी मन्दिरतर्फ लागेका छन् । उनी गौतमबुद्ध अन्तर्राष्ट्रिय विमानस्थलमा नओर्लिएर भैरहवामा उनका लागि निर्माण गरिएको हेलिप्याडमा ओर्लिएका थिए ।

मोदीलाई प्रधानमन्त्री शेरबहादुर देउवाले हेलिप्याडमै पुगेर स्वागत गरेका थिए ।

नेपाल ओर्लिए लगत्तै मोदीले 'बुद्ध जन्मस्थल आउन पाएकोमा खुसी भएको' प्रतिक्रिया दिए ।

उनको स्वागतका लागि प्रधानमन्त्री देउवासहित सरकारका मन्त्रीहरु पनि लुम्बिनी पुगेका छन् ।

प्रकाशित : जेष्ठ २, २०७९ १०:५९
पूरा पढ्नुहोस्
प्रतिक्रिया
पठाउनुहोस्
×