खोटाङको बराहापोखरी गाउँपालिकामा कांग्रेसका बन्जरा विजयी- प्रदेश १ - कान्तिपुर समाचार

खोटाङको बराहापोखरी गाउँपालिकामा कांग्रेसका बन्जरा विजयी

डम्बरसिं राई

खोटाङ — बराहापोखरी गाउँपालिकाको अध्यक्षमा कांग्रेसका शालिकराम बन्जरा विजयी भएका छन् । उनले तीन हजार एक सय ८१ मत ल्याएर विजयी भएका हुन् । उनका निकटतम प्रतिद्वन्दी एमालेकी गोमा मगरले दुई हजार तीन सय ३० मत ल्याएर पराजित भएकी छन् ।


उपाध्यक्षमा नेकपा एकीकृत समाजवादीका भुवलराज राईले दुई हजार छ सय ९४ मत ल्याएर विजयी भएका छन् ।

उनका निकटतम् प्रतिद्वन्दी एमालेका जीवनकुमार राईले दुई हजार दुई सय ९५ मत ल्याएर पराजित भएको निर्वाचन अधिकृत कोपिला राईले बताइन् । उक्त पालिकामा कांग्रेस, माओवादी, एकीकृत समाजवादीको गठबन्धन भएको थियो ।


प्रकाशित : जेष्ठ २, २०७९ ०९:१३
प्रतिक्रिया
पठाउनुहोस्

खोटाङको केपिलासगढी गाउँपालिका अध्यक्षमा कांग्रेसका समीर राई विजयी

डम्बरसिं राई

खोटाङ — केपिलासगढी गाउँपालिका अध्यक्षमा कांग्रेसका समीर राई विजयी भएका छन् । उनले दुई हजार दुई सय ४४ मत ल्याएर विजयी भएका हुन् ।

राईका निकटतम् प्रतिद्वन्दी नेकपा एकीकृत समाजवादीका माइतीराज राईले एक हजार ८ सय आठ मत ल्याएका छन् । एमालेका कृष्णकुमार राईले एक हजार सात सय ४४ मत ल्याएका छन् ।

उपाध्यक्षमा जनता समाजवादी पार्टीका गुरुराज राई निर्वाचित भएका छन् । उनले एक हजार ९ सय ८३ मत ल्याएका छन् । उनका निकटतम् प्रतिद्वन्द्वी कांग्रेसकी राधा गिरीले एक हजार सात सय ४५ मत ल्याइन् । एमालेकी मैया सुनुवारले एक हजार सात सय ६१ मत ल्याएकी छन् ।

उक्त पालिकामा नेकपा माओवादी केन्द्र, नेकपा एकीकृत समाजवादी र जनता समाजवादी पार्टीको चुनावी गठबन्धन भएको थियो । कांग्रेस, एमाले र गठबन्धनबीच प्रतिस्पर्धा भएको हो ।

प्रकाशित : जेष्ठ २, २०७९ ०८:५७
पूरा पढ्नुहोस्
प्रतिक्रिया
पठाउनुहोस्
×