आठ घण्टा घरबाहिर ननिस्कन संखुवासभा प्रशासनको निर्देशन- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

आठ घण्टा घरबाहिर ननिस्कन संखुवासभा प्रशासनको निर्देशन

दीपेन्द्र शाक्य

संखुवासभा — जिल्ला प्रशासन कार्यालय संखुवासभाले ८ घण्टा घरबाहिर ननिस्कन निर्देशन दिएको छ । शुक्रबार हुने स्थानीय तह निर्वाचनका लागि बिहीबार राति ८ बजेदेखि शुक्रबार बिहान ४ बजेसम्म अत्यावश्यक काम नपरेसम्म घरबाट बाहिर ननिस्कन प्रशासनले निर्देशन दिएको हो ।

निर्वाचन सुरक्षालाई मध्यनजर गर्दै स्थानीय तह निर्वाचन आचारसंहिता समितिको बिहीबार बसेको बैठकले काम परेर घरबाहिर निस्कन परे प्रहरीलाई अनिवार्य खबर गर्नुपर्ने जनाएको छ ।


प्रकाशित : वैशाख २९, २०७९ १७:४०
प्रतिक्रिया
पठाउनुहोस्

संखुवासभाका १६२ मतदान केन्द्रमा पुग्यो मतदान अधिकृतसहितको टोली

दीपेन्द्र शाक्य

संखुवासभा — यही वैशाख ३० मा हुने स्थानीय तह निर्वाचनका लागि संखुवासभाका सबै मतदान केन्द्रमा मतदान अधिकृत सहितको टोली पुगेको छ । जिल्ला निर्वाचन अधिकारी जयप्रकाश बस्नेतका अनुसार १ सय ३ मतदानस्थलका १ सय ६२ मतदान केन्द्रमा मतदान अधिकृतसहितको टोली मंगलबार पुगेको हो ।

अति संवेदनशील मानिएको भोटखोलाका किमाथांका, चेपुवा, च्याम्ताङका मतदान केन्द्रमा पनि टोली निर्वाचन सामग्रीसहित पुगिसेको छ ।

संखुवासभामा ७ वटा अतिसंवेदनशील, ७९ वटा संवेदनशील र १६ वटा सामान्य मतदान केन्द्र छन् । मतदान अधिकृतको टोलीसँगै नेपाली सेना, प्रहरी, सशस्त्र प्रहरी र राष्ट्रिय अनुसन्धानका कर्मचारी पनि सुरक्षाका लागि पुगिसकेका छन् ।


प्रकाशित : वैशाख २७, २०७९ १६:३९
पूरा पढ्नुहोस्
प्रतिक्रिया
पठाउनुहोस्
×