कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १५७

हस्तान्तरण हुन सकेन एकीकृत बस्ती

१ करोड लागतको नमुना बस्तीमा चर्पी र खानेपानीलगायत आधारभूत व्यवस्था नहुँदा प्रयोगमा आउन नसकेको हो
पीडित परिवार चार वर्षदेखि अस्थायी छाप्रोमै
लक्ष्मी गौतम

पाॅचथर — पहिरो पीडितको स्थानान्तरणका लागि पाँचथरको फालेलुङ–३ माङलेबुङमा निर्माण गरिएको एकीकृत नमुना बस्ती निर्माण भएको चार वर्षसम्म प्रयोगमा आएको छैन ।

हस्तान्तरण हुन सकेन एकीकृत बस्ती

प्रदेश र स्थानीय सरकारको झन्डै एक करोड रुपैयाँ लागतमा एकीकृत नमुना बस्तीमा चर्पी र खानेपानीजस्ता आधारभूत वस्तु नहुँदा प्रयोगमा आउन नसकेको हो ।

२०७४ को असारमा गएको पहिरोमा विस्थापित भएकालाई राख्नका लागि २०७५ मा यो बस्ती निर्माण भएको थियो । निर्माणपूर्व लगत तयार गर्दा बस्तीका लागि अत्यावश्य चर्पी, खानेपानी र विद्युत्का पूर्वाधार छुटाएकोले यो बस्ती हस्तान्तरण हुन नसकेको हो । ‘प्राविधिकले ‘प्राविधिक इस्टिमेट’ मा चर्पी र खानेपानीका धारा बनाउने योजना छुटाइदिॅदा बस्ती प्रयोगमा ल्याउन नसकिएको वडाध्यक्ष वीरविक्रम थाम्सुहाङ बताउँछन् ।

उनका अनुसार पहिरो गएलगत्तै गाउँपालिकाले आफ्नै प्राविधिकलाई लागत इस्टिमेट गराएर बस्ती निर्माणको योजना अगाडी बढाएको थियो । पहिलो चरणमा पहिरोबाट अति प्रभावित मध्ये १५ परिवारलाई स्थानान्तरण गर्ने योजना अनुसार प्रदेश सरकारको ५० लाख र गााउँपालिकाको २९ लाख गरी ८० लाख रुपैयाँ रकम खर्चेर बस्ती बनाइएको हो । १५ परिवार राख्न मिल्ने प्रत्येक घरमा भान्सासहित तीन–तीनवटा कोठा छन् ।

हस्तान्तरणमा ढिलाइ हुँदा बस्तीलाई झाडीले छोपेको छ भने झ्याल ढोका भत्किन थालेका छन । घर र सिकुवामा गरिएको प्लस्टरसमेत उप्किएको छ । बस्तीलाइ पूर्णता दिने कार्यक्रम प्रदेश र स्थानीय सरकारको प्राथमिकतामा नपरेकाले यो अवस्था आएको बस्ती निर्माण उपभोक्ता समितिका अध्यक्ष पदम राई बताउँछन् ।

बस्ती हस्तान्तरण हुन नसक्दा पहिरो पीडित भने चार वर्षदेखि अस्थायी छाप्रोमै बसिरहेका छन । ‘हिॅउदमा चिसो र वर्षामा हिलोसँग पैठेजोरी खेल्दै रात काट्छौं,’ पीडित लीला राईले भनिन् । २०७४ असार तेस्रो साताको अविरल वर्षासॅगै गएको पहिरोमा परी घरबारविहीन भएका लीला जस्तै ३० परिवार अस्थायी छाप्रामा छन् । ‘पहिरो गएलगत्तै निर्माण सुरु हुँदा नयाँ घरमा सर्न पाइने भयो भनेर खुसी भयौंॅ, हेर्दाहेर्दा ती घर थोत्रा भइसके अब त आश नै मरिसक्यो,’ राईले थपिन् । पहिरोमा पर्दा फालेलुङ गाउँ पालिकाका ३ जनाको ज्यान गएको थियो भने ४५ परिवार विस्थापित भएका थिए । गाउँ पालिका अध्यक्ष

सञ्चकुमार केरुङ प्राविधिक इस्टिमेट तयार पार्ने प्राविधिकको त्रुटिले बस्ती प्रयोगमा ल्याउन नसकेको बताए । ‘थप पूर्वाधार निर्माण गर्ने योजना बनाउँदै छौं,’ उनले भने ।

प्रकाशित : फाल्गुन २९, २०७८ ०७:३६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?