झोलुंगे पुल निर्माणमा खटिएका मजदुरको करेन्ट लागेर मृत्यु- प्रदेश १ - कान्तिपुर समाचार

झोलुंगे पुल निर्माणमा खटिएका मजदुरको करेन्ट लागेर मृत्यु

कान्तिपुर संवाददाता

मोरङ — रतुवामाई नगरपालिका ९ स्थित बक्राहा खोलामा झोलुंगे पुल निर्माणका खटिएका एक मजदुरको करेन्ट लागेर शुक्रबार मृत्यु भएको छ । रुकुम पूर्वको घुमे गाउँपालिका ७ का २५ वर्षीय मदन श्रेष्ठको मृत्यु भएको हो ।

झोलुंगे पुल निर्माणमा खटिएका श्रेष्ठ बक्राहा खोलामा गाडिएको विद्युत मोटर जडित ट्युबवेल चलाउने क्रममा करेन्ट लागेर घाइते भएका थिए ।

घाइते भएका श्रेष्ठको उर्लावारीस्थित अरनीको अस्पतालमा उपचारको क्रममा मृत्यु भएको जिल्ला प्रहरी कार्यालय मोरङका डिएसपी मन्जिल मुकारुङले बताए । घटनाबारे पुल निर्माणका ठेकेदारले कुनै प्रतिक्रिया दिएका छैनन् ।

प्रकाशित : माघ ७, २०७८ १६:४०
प्रतिक्रिया
पठाउनुहोस्

संवाद र सहमतिबाट संसद् खुलाइनेछ : प्रधानमन्त्री देउवा

कान्तिपुर संवाददाता

काठमाडौँ — प्रधानमन्त्री शेरबहादुर देउवाले संवाद र सहमतिको माध्यमबाट संसद् सुचारु गर्ने बताएका छन् । उनले संसद् सुचारु भएपछि सबै दलहरूसँग छलफलको माध्यमबाट सहमति जुटाएर नै विचाराधीन विषयहरूलाई निष्कर्षमा पुर्‍याउने बताए । 

शुक्रबार देशबासीको नाममा सम्बोधन गर्दै प्रधानमन्त्री देउवाले सरकारमाथि एक वर्षभित्र तीन तहको निर्वाचन गर्नुपर्ने दायित्व रहेको बताउँदै निर्वाचनको पूर्वतयारीका आवश्यक कामहरू सम्पन्न गर्न सबैलाई आग्रहसमेत गरेका छन् ।

प्रधानमन्त्री देउवाले संविधानको कार्यान्वयन, कानुनी राज्य, सुशासनको प्रत्याभूति, शान्ति प्रक्रियालाई पूर्णता दिने तथा विभिन्न पक्षसँगको सहमतिको कार्यान्वयन गर्ने, राजनीतिक दलहरूको सहमतिमा नागरिकताको समस्या समाधान गर्ने, संघीयता कार्यान्वयन गर्ने एवम् प्रदेश र स्थानीय सरकारलाई सबलीकरण गर्ने कार्यलाई सरकारले उच्च प्राथमिकतामा राखेको बताए ।

प्रकाशित : माघ ७, २०७८ १६:३८
पूरा पढ्नुहोस्
प्रतिक्रिया
पठाउनुहोस्
×