प्रदेश १ मा १ हजार ६० संक्रमित थपिए- प्रदेश १ - कान्तिपुर समाचार

प्रदेश १ मा १ हजार ६० संक्रमित थपिए

कान्तिपुर संवाददाता

विराटनगर — प्रदेश १ मा पछिल्लो २४ घण्टामा १ हजार ६० कोरोना संक्रमित थपिएका छन् । यो बुधबारको भन्दा १ सय ६९ बढी हो ।

सामाजिक विकास मन्त्रालयको कोभिड–१९ दैनिक प्रतिवेदनअनुसार १ हजार ३ सय ९७ जनाको पीसीआर गर्दा ८ सय ४५ (६०.४९ प्रतिशत) र ५ सय ६७ को एन्टिजेन जाँच हुँदा २ सय १५ (३७.९२ प्रतिशत) संक्रमित देखिएका छन् । 


मन्त्रालयका अनुसार संक्रमण मुक्त हुने पनि बढेका छन् । बिहीबार ४८ जना संक्रमणमुक्त भएका छन् । बुधबार भने २३ संक्रमणमुक्त भएका थिए । प्रदेशका विभिन्न अस्पतालको जेनेरल बेडमा ३, आईसीयूमा २६, भेन्टिलेटरमा ७ र एचडीयूमा ४६ गरी ८२ जनाको उपचार भइरहेको मन्त्रालयको तथ्यांकमा उल्लेख छ । होम आइसोलेसनमा संक्रमितको संख्या दिनहुँ बढ्दो छ । होम आइसोलेसनमा ४ हजार ४ सय ४० संक्रमित रहेको मन्त्रालयले जनाएको छ ।

बिहीबार सार्वजनिक पीसीआर रिपोर्टमा मोरङमा ३ सय ७७, सुनसरीमा २ सय ५४, झापामा १ सय ३८, धनकुटाका १३, उदयपुरमा ५, तेह्रथुम र इलाममा २/२, भोजपुर, खोटाङ, पाँचथर र ओखलढुंगामा १/११ एवं प्रदेश बाहिरका जिल्लाका ५० संक्रमित छन् ।

एन्टिजेन परीक्षणमा संक्रमित देखिएका २ सय १५ मध्ये ५६ मोरङका, ५३ झापाका, ४५ सुनसरीका, २७ इलामका, ९ भोजपुरका, ८ खोटाङका, ७ सोलुखुम्बुका, ६ संखुवासभाका र ४ ओखलढुंगाका छन् । सुनसरीमा ४५ जनाको एन्टिजेन परीक्षणमा ४५ जनै संक्रमित देखिएका छन् ।

बिहीबार मोरङमा १ महिलाको मृत्यु भएको छ । प्रदेशमा सक्रिय संक्रमितको संख्या ४ हजार ५१५ पुगेको छ । मन्त्रालयका अनुसार संक्रमण दर बढे पनि गम्भीर बिरामी भने कम छ ।

प्रकाशित : माघ ६, २०७८ १७:०३
प्रतिक्रिया
पठाउनुहोस्

कर्मचारीमा संक्रमणले गैंडाकोट नगरपालिकाको सेवा प्रभावित

नारायण शर्मा

पूर्वी नवलपरासी — कर्मचारीमा कोरोना संक्रमण देखिएपछि गैंडाकोट नगरपालिकाको दुई शाखाको काम एक साताका लागि बन्द गरिएको छ । 

स्वास्थ्य शाखा प्रमुख झलक शर्माका अनुसार घरजग्गा नक्सापास, अभिलेख र स्वास्थ्य शाखाका ८ जना कर्मचारीमा संक्रमण पुष्टि भएको छ । घरजग्गाको नक्सापास र अभिलेख शाखाको काम एक साताका लागि बन्द गरिएको बिहीबार नगरपालिकाले सूचनामार्फत जानकारी दिएको हो ।

नगरपालिकामा एक सय ६ कर्मचारी छन् ।

प्रकाशित : माघ ६, २०७८ १६:४६
पूरा पढ्नुहोस्
प्रतिक्रिया
पठाउनुहोस्
×