मोटरसाइकल दुर्घटनामा परी एकको मृत्यु, तीन घाइते- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

मोटरसाइकल दुर्घटनामा परी एकको मृत्यु, तीन घाइते

अर्जुन राजवंशी

विर्तामोड् — झापाको कचनकवलमा दुईवटा मोटरसाइकल आपसमा ठोक्किंदा भएको दुर्घटनामा एक जनाको मृत्यु भएको छ भने तीन जना घाइते भएका छन् । 

झापाको कचनकवल गाउँपालिका-४ केचनामा मंगलबार साँझ पौने ७ बजे दुर्घटना भएको थियो । दुर्घटनामा परी भारत कादगाउँका अन्दाजी ३० वर्षीय सञ्जिवकुमार सिंहको मृत्यु भएको हो ।

जिल्ला ट्राफिक प्रहरीका अनुसार दक्षिणबाट उत्तरतर्फ आउँदै गरेको बीआर ३७ सी ९००८ र विपरीत दिशाबाट जाँदै गरेको बीआर ३७ ई १८९४ नम्बरको मोटरसाइकल आपसमा ठोक्किएका थिए ।

दुर्घटनामा परी कचनकवल-४ का ३० वर्षीय प्रदीप गणेश, भारत कादगाउँका हरण गणेश र एमडी ओकिल मियाँ घाइते छन् । उनीहरूको भद्रपुर र विर्तामोडका अस्पतालमा उपचार भइरहेको ट्राफिक प्रहरीले जनाएको छ ।

प्रकाशित : माघ ५, २०७८ ११:१५
प्रतिक्रिया
पठाउनुहोस्

लुटेरा समूहले आक्रमण गर्दा प्रहरीका असई घाइते

श्यामसुन्दर शशि

जनकपुर — लुटेरा समूहको आक्रमणमा परी धनुषामा प्रहरीका असई घाइते भएका छन् । बटेश्वर गाउँपालिकास्थित प्रहरी चौकीका असई मनोज पोखरेलमाथि गएराति लुटेरा समूहले आक्रमण गरेको धनुषाका एसपी वसन्त रजौरेले जानकारी दिए ।

वडा नम्बर-४ स्थित राम्रो चोकमा गएराति लुटेरा समूहलाई नियन्त्रणमा लिएपछि असई पोखरेलमाथि आक्रमण भएको थियो । उनको प्रादेशिक अस्पताल जनकपुरमा उपचार भइरहेको छ ।

महोत्तरीको भंगहा नगरपालिका-७ का अमित पाशमान भारतबाट घर फर्केन क्रममा उनलाई लुटेरा समूहले लुटेको थियो । घटनास्थल पुगेको असई पोखरेलसहितको प्रहरी टोलीले लुटेरा समूहलाई पक्राउ गरेको थियो । उनीहरुलाई पक्राउ गरेर ल्याउने क्रममा पोखरेललाई आक्रमण भएको थियो ।

लुटपाट र आक्रमणमा संलग्‍न ५ जनालाई पक्राउ गरिएको धनुषाका प्रहरी उपरीक्षक रजौरेले बताए । पक्राउ परेका मध्ये मुख्य आरोपी रामजीवन ठाकुरको साथबाट नाइट्रोभेट ट्याब्लेट र चक्कु समेत बरामद भएको प्रहरीले जनाएको छ ।

प्रकाशित : माघ ५, २०७८ ११:१३
पूरा पढ्नुहोस्
प्रतिक्रिया
पठाउनुहोस्
×