१८.१२°C काठमाडौं
प्रदेश १ मा एकै दिन १ हजार ७१ संक्रमित थपिए
विराटनगर — सामाजिक विकास मन्त्रालयको कोभिड–१९ दैनिक प्रतिवेदनले मंगलबार प्रदेशमा १ हजार ७१ संक्रमित थपिएको जनाएको छ । यो सोमबारको भन्दा ४ सय ५४ ले बढी हो । झापा र मोरङमा १/१ महिला र उदयपुरमा १ पुरुषको मृत्यु भएको प्रतिवेदनमा उल्लेख छ ।
सोमबार मोरङ र सुनसरीमा १/१ पुरुषको मृत्यु भएको थियो । संक्रमुक्त हुने बढेका छन् । मंगलबार ३२ संक्रमुक्त भएका छन् भने सोमबार १८ संक्रमणमुक्त भएका थिए ।
प्रदेशको विभिन्न अस्पतालमा ६४ जनाको उपचाररत छन् । जसमध्ये २ जेनरेल बेडमा, २३ को आईसीयूमा, ८ को भेन्टिलेटरमा र ३१ को एचडीयूमा उपचार भइरहेको छ । मन्त्रालयका अनुसार होम आइसोलेसनमा ३ हजार ११ छन् । प्रतिवेदन अनुसार १ हजार ५ सय ५७ को पीसीआर गरिँदा ९ सय २१ (५९.१५ प्रतिशत) र ५ सय ७ को एन्टिजेन जाँच हुँदा १ सय ५० ( २९.५९ प्रतिशत) संक्रमित देखिएका छन् ।
पीसीआर परीक्षणमा विराटनगरका ३ सय ८६ सहित मोरङका ४ सय ४८, धरानका १ सय ८७ सहित सुनसरीमा २ सय ८६, बिर्तामोडका ४१ सहित झापामा १ सय २६, धनकुटामा ५, भोजपुर र उदयपुरमा ४/४, तेह्रथुम, ओखलढुंगा र सोलुखुम्बुमा १/१/१, संखुवासभामा ३, इलाममा ५, ताप्लेजुङमा २ र प्रदेश बाहिरका जिल्लाका ३५ संक्रमित देखिएका छन् ।
एन्टिजेन परीक्षणमा संक्रमित देखिएका ५ सय ७ मध्ये ४९ झापाका, ३७ मोरङका, १३ सुनसरीका, १४ भोजपुरका, ६ खोटाङका, १० सोलुखुम्बुका, २ तेह्रथुमका र १९ इलामका छन् । कोरोना कहरको पहिलो चरणदेखि अहिलेसम्म ५ लाख ३ हजार ८१ को पीसीआर परीक्षणमा १ लाख ११ हजार ८ सय ७८ (२२.२४ प्रतिशत) र १ लाख ७० हजार ५ सय ५२ को एन्टिजेन जाँचमा ४४ हजार ३ सय ७८ (२६.०२ प्रतिशत) संक्रमित देखिएको मन्त्रालयले जनाएको छ ।
प्रकाशित : माघ ५, २०७८ ०७:५०
