प्रदेश १ मा थप ६१७ जनामा कोरोना पुष्टि- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

प्रदेश १ मा थप ६१७ जनामा कोरोना पुष्टि

कान्तिपुर संवाददाता

विराटनगर — सामाजिक विकास मन्त्रालयको कोभिड-१९ दैनिक प्रतिवेदनले सोमबार प्रदेश एकमा ६ सय १७ कोरोना संक्रमित थपिएको जनाएको छ । तेस्रो चरणको कोरोना कहर सुरु भएयता एकै दिनमा थपिएको यो संक्रमितको सबैभन्दा ठूलो संख्या हो । 

मोरङ र सुनसरीमा १/१ जनाको मृत्यु भएको प्रतिवेदनमा उल्लेख छ । १८ जना संक्रमणमुक्त भएका छन् भने प्रदेशको विभिन्न अस्पतालमा ६१ जनाको उपचार भइरहेको प्रतिवेदनमा जनाइएको छ । २ हजार १ सय २८ जना होम आइसोलेसनमा छन् । आइतबारको तुलनामा अस्पतालमा २६ र होम आइसोलेसनमा ४ सय ७८ थपिएका छन् ।

उक्त प्रतिवेदनअनुसार ८ सय ८९ को पीसीआर परीक्षण गर्दा ५ सय २१ (५८.६१ प्रतिशत) र ३ सय ८० को एन्टिजेन परीक्षण गर्दा ९६ (२५.२६ प्रतिशत) संक्रमित देखिएका छन् ।

विराटनगरका १ सय ९१ सहित मोरंगका २ सय २७, झापाका १ सय १६, सुनसरीका १ सय २९, धनकुटाका ४, भोजपुरका २, उदयपुरका १, सोलुखुम्बुका २, इलामका २ र प्रदेश बाहिरका जिल्लाका ३८ संक्रमित भएको प्रतिवेदनमा उल्लेख छ ।


प्रकाशित : माघ ३, २०७८ १६:३७
प्रतिक्रिया
पठाउनुहोस्

२५ जनाभन्दा बढी सहभागी हुने कार्यक्रम स्थगित गर्न एमालेको सर्कुलर

कान्तिपुर संवाददाता

काठमाडौँ — नेकपा (एमाले)ले २५ जनाभन्दा बढी सहभागी हुने सबै कार्यक्रमहरू स्थगित गर्न आन्तरिक सर्कुलर जारी गरेको छ ।

सोमबार सर्कुलर जारी गरी एमालेले कोभिड-१९ को बढ्दो संक्रमणलाई मध्यनजर गर्दै पार्टी तथा जनसंगठनका २५ जनाभन्दा बढी सहभागी हुने सबै कार्यक्रम स्थगित गरेको हो ।

यसका साथै, सबै कमिटी, नेता-कार्यकर्ता र जनप्रतिनिधिहरूलाई आवश्यक सतर्कता अपनाउँदै जनताको सेवामा जुट्नसमेत एमालेले निर्देशन दिएको छ ।

प्रकाशित : माघ ३, २०७८ १६:२८
पूरा पढ्नुहोस्
प्रतिक्रिया
पठाउनुहोस्
×