पाँचथरमा सबैखाले कार्यक्रम गर्न प्रतिबन्ध - प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

पाँचथरमा सबैखाले कार्यक्रम गर्न प्रतिबन्ध 

लक्ष्मी गौतम

काठमाडौँ — जिल्लास्तरीय कोभिड संकट व्यवस्थापन समिति (डिसिएमसी) पाँचथरले सार्वजनिक स्थलमा राजनैतिक, प्रशासनिक र सामाजिक कार्यक्रम गर्न रोक लगाएको छ ।

प्रमुख जिल्ला अधिकारी सुरेश न्यौपानेको अध्यक्षतामा मंगलबार बसेको बैठकले आजैबाट यस्ता कार्यक्रममा रोक लगाउने निर्णय गरेको हो । बैठकले नियमित र अत्यावश्यक कार्यक्रम गर्नुपर्ने भए स्थानीय प्रशासनको अनुमति लिएर स्वास्थ्यका सबैखाले मापदण्ड पालना गरेरमात्रै सञ्चालन गर्ने निर्णय पनि गरेको छ ।

यसैगरी सार्वजनिक स्थलमा मेला महोत्सव र भेला नगर्न तथा जुनसुकै कार्यक्रममा २५ जनाभन्दा धेरै मानिस भेला नगर्न/नगराउन पनि रोक लगाइएको प्रजिअ न्यौपानेले बताए ।

बैठकले कोरोना विरुद्वको खोप उमेर पुगेका सबै नागरिकको पहुँचमा पुर्‍याउन अभियान चलाउनका साथै माघ ७ गतेदेखि खोप लगाएको कार्ड नदेखाइ प्रवेश गर्न नदिने निर्णयसमेत भएको छ । विद्यालयहरुमा जारी परीक्षा स्वास्थ्यका मापदण्ड पालना गरेर सञ्चालन गर्ने निर्णय पनि गरेको छ ।

प्रकाशित : पुस २७, २०७८ १७:०७
प्रतिक्रिया
पठाउनुहोस्

वीरगन्ज नाकामा एकै दिन भेटिए २२ कोरोना संक्रमित     

शंकर आचार्य

पर्सा — वीरगन्ज नाकामा मंगलबार २२ जनामा कोरोना पुष्टि भएको छ । हेल्थ डेस्कमा मंगलबार अपराह्‍न ४ बजेसम्म ३ सय २० जनाको एन्टिजेन परीक्षण गर्दा २२ जनामा संक्रमण पुष्टि भएको डेस्ककी प्रमुख डा अनिशा महतोले बताइन् ।

उनका अनुसार, २२ मध्ये ८ नेपाली हुन् । उनीहरुमध्ये ६ जना भारतको कोलकाताबाट फर्किएका हुन् ।

एन्टिजेन परीक्षण जारी रहेकाले संक्रमित थपिने सम्भावना रहेको महतोले बताइन् । उनका अनुसार पछिल्लो केही दिनयता सीमावर्ती भारतीय सहर रक्सौलका भारतीय नागरिक तथा रक्सौल पुगेर फर्कने नेपालीमा पनि कोरोना संक्रमण पुष्टि हुने क्रम बढेको छ ।

प्रकाशित : पुस २७, २०७८ १७:०२
पूरा पढ्नुहोस्
प्रतिक्रिया
पठाउनुहोस्
×