एमाले खोटाङको अध्यक्षमा दंगाल
खोटाङ — नेकपा एमाले खोटाङको अध्यक्षमा रामप्रसाद दंगाल चयन भएका छन् । जिल्लाको माटीकोरे कभर्ड हलमा पुस २३ र २४ गते सम्पन्न सातौं जिल्ला अधिवेशनले दंगाललाई अध्यक्ष बनाएको हो ।
उपाध्यक्षमा देवविक्रम राई, सचिवमा कुमार आचार्य, सहसचिवमा दीपनारायण रिजाल र सुरेन्द्रकुमार राई छनोट भएका छन् । यससँगै अधिवेशनबाट एक सय १९ सदस्यीय जिल्ला कमिटी गठन भएको हो ।
अधिवेशनले ७७ सदस्यीय सल्लाहकार समितिसमेत निर्माण गरेको छ । एमाले अध्यक्ष केपी ओलीले गत शुक्रबार मुलुकभर एकैसाथ जिल्ला अधिवेशन उद्घाटन गरेका थिए ।
प्रकाशित : पुस २५, २०७८ १५:१४प्रतिक्रिया
