अपांगता भएका उद्यमी पुरस्कृत
पाँचथर — अपांगता भए पनि विभिन्न प्रकृतिका व्यवसाय र उद्यम गर्दै उदाहरणीय बनेका पाँचथरका २० जना नागरिकलाई जिल्ला समन्वय समिति पाँचथरले सम्मान गरेको छ ।
बुधबार फिदिममा आयोजित कार्यक्रममा अपांगता भएका नागरिकले उत्पादन गरेका घरेलु, कस्टमेटिक र बाँस तथा काठका सामग्री प्रदर्शनी पनि गरिएको थियो ।
शारीरिक रूपमा अशक्त हुँदाहुँदै पनि आत्मनिर्भर भएको भन्दै नगदसँगै सामग्री बनाउने कच्चा पदार्थ दिएर पुरस्कृत गरिएको हो । अपांगता पुनरुत्थान अभियानअन्तर्गत लैंगिक हिंसाविरुद्धको १६ दिने अभियान पारेर उनीहरूलाई सम्मान गरिएको हो ।
प्रकाशित : मंसिर २३, २०७८ ०९:३७प्रतिक्रिया