प्रदेश १ कांग्रेसमा घिमिरे र थापा भिड्दै- प्रदेश १ - कान्तिपुर समाचार

प्रदेश १ कांग्रेसमा घिमिरे र थापा भिड्दै

विनोद भण्डारी

विराटनगर — कांग्रेस प्रदेश १ को सभापतिका लागि केन्द्रीय सदस्य गुरुराज घिमिरे र उद्धव थापाले उम्मेदवारी दर्ता गरेका छन् ।

घिमिरले पौडेल–कोइराला समूहबाट र थापाले सभापति शेरबहादुर देउवा र कृष्णप्रसाद सिटौला समूहबाट उम्मेदवारी दर्ता गरेका हुन् । घिमिरे केन्द्रीय सदस्य र नेपाल विद्यार्थी संघका पूर्वसभापति समेत हुन् भने थापा झापाका पूर्वजिल्ला सभापति हुन् ।

पदाधिकारीमा पनि दुवै समूहबाट प्यानल नै उम्मेदवारी परेको छ । देउवा–सिटौला समूहबाट राष्ट्रियसभा सदस्य रमेशजंग रायमाझी र पूर्वसांसद टंक राईले उपसभापतिमा उम्मेदवारी दर्ता गरेका छन् ।

यसैगरी उक्त समूहबाट महामन्त्रीमा पदम पालुङ र भूपेन्द्र राईको उम्मेदवारी परेको छ । यसैगरी पौडेल–कोइराला समूहबाट उपसभातिमा गोविन्द ढुङ्गना र विश्वनाथ रिजाल तथा महामन्त्रीमा उमेश थापा र दिपन श्रेष्ठको उम्मेदवारी परेको छ ।

प्रदेशका १४ जिल्लाका १ हजार ७ सय ७० प्रतिनिधिले नेतृत्वका लागि शनिबार मतदान गर्नेछन् । १४ जिल्लामध्ये सस्थापन पक्षले ७ इतर पक्षले ६ र सिटौला समूहले एक जिल्ला सभापतिमा जितेका छन् ।

दुवै प्यानलका नेताहरू बिहीबार समूह बनाउन व्यास्त रहँदा र एकले अर्को प्यानलको अस्तित्व नस्वीर्कादा उदघाटन कार्यक्रम स्थगीत हुँदा अधिवेशनको उद्घाटन शुक्रबार गरिएको थियो ।

प्रकाशित : मंसिर १७, २०७८ १९:१२
प्रतिक्रिया
पठाउनुहोस्

कञ्चनपुरमा ट्र्याक्टर दुर्घटनामा ३ को मृत्यु, ११ जना घाइते

भवानी भट्ट

कञ्चनपुर — पूर्व-पश्चिम राजमार्गअन्तर्गत कञ्चनपुरको शुक्लाफाँटा राष्ट्रिय निकुञ्ज क्षेत्रमा शुक्रबार दिउँसो ट्र्याक्टर दुर्घटना हुँदा ३ जनाको मृत्यु भएको छ । ११ जना घाइते भएका छन् । 

जिल्ला प्रहरी कार्यालय कञ्चनपुरका अनुसार दुर्घटनामा परी कृष्णपुर नगरपालिका ९ रैकवारका ६५ वर्षीया द्रोपति राना, ३३ वर्षीया रतन कुमारी राना र ५५ वर्षीय रानी राना रहेका छन् । उनीहरुको सेती प्रादेशिक अस्पताल धनगढीमा उपचारको क्रममा मृत्यु भएको हो । घाइते सबैको सेती प्रादेशिक अस्पतालमा उपचार भइरहेको जिल्ला प्रहरी कार्यालय कञ्चनपुरका डिएसपी चक्रबहादुर शाहले बताए ।

डिएसपी शाहका अनुसार रैकबारबाट उनीहरु बेदकोट नगरपालिकाको दैजीमा विवाह भोज खान आएका थिए । भोज खाएर फर्किने बेला अर्जुनी ब्यारेक नजिकै विपरीत दिशाबाट आइरहेको जिपलाई साइड दिन खोज्दा से १ त ३८४१ नम्बरको ट्र्याक्टर अनियन्त्रित भएर दुर्घटना भएको हो । ट्र्याक्टरमा चालकसहित १४ जना सवार थिए ।



प्रकाशित : मंसिर १७, २०७८ १९:१०
पूरा पढ्नुहोस्
प्रतिक्रिया
पठाउनुहोस्
×