खुम्बुमा घुम्न गएकाको होटलमा मृत्यु

नाम्चे भ्रमणमा निस्केका ६१ वर्षीय कक्षेपतिको फाक्दिङस्थित ट्रेकर होटलमा मृत्यु भएको हो । चिसोको मौसममा होटलभित्र हिटर तापिरहेका कक्षपति एक्कासि बेहोस भएका थिए ।

बेहोस हुनासाथ तत्काल उनको मृत्यु भएको जिल्ला प्रहरी कार्यालय सोलुखुम्बुका प्रहरी नायब उपरीक्षक कवित कटवालले जानकारी दिए । उनको शव पोष्टमार्टमका लागि हेलिकप्टरमार्फत काठमाडौंस्थित टिचिङ अस्पताल पठाइएको छ ।

खुम्बु क्षेत्रमा पछिल्लो साता चिसो अत्याधिक बढेसँगै घुम्न आउने पर्यटकको संख्या पनि न्यून हुँदै गएको छ ।