मतदाता नामावली वडामै
पाँचथर — जिल्लाका सरोकारवालाले हरेक वडामा पुगेर मतदाता नामावली संकलन गर्न सुझाव दिएका छन् । जिल्ला निर्वाचन कार्यालय पाँचथरले सदरमुकाम फिदिममा आयोजना गरेको मतदाता नामावली संकलनसम्बन्धी अन्तरक्रियाका सहभागीले आयोगलाई यस्तो सुझाएका हुन् ।
कांग्रेस सभापति रूपनारायण जवेगु, एकीकृत समाजवादीका जिल्ला अध्यक्ष कमल जवेगु, नेकपा एमालेका श्याम तुम्रोक र राप्रपाका प्रयागराज सुवेदीले पालिका केन्द्र टाढा पर्ने भएकाले मतदाता नामावली संकलन गर्न वडामै खटिनुपर्ने बताए ।
निर्वाचन आयोगले मंसिर १७ देखि पुस ९ सम्म देशभरका स्थानीय तहका केन्द्रमा मतदाता नामावली दर्ता गर्ने कार्यक्रम राखेको छ ।
प्रतिक्रिया