प्रदेश १ : मुख्यमन्त्रीमा दाबीका लागि प्रदेश प्रमुखद्वारा आह्वान

'संविधानको धारा १६८ को उपधारा (२) बमोजिम प्रदेशसभामा कुनै पनि दलको स्पष्ट बहुमत नरहेको अवस्थामा प्रदेशसभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत प्राप्त गर्नसक्ने प्रदेश सभाको सदस्यलाई मिति २०७८/०७/१६ गते मंगलबार दिनको १:०० बजेभित्र प्रदेश नं. १ को मुख्यमन्त्री पदमा नियुक्ति गर्ने प्रयोजनका लागि आफ्नो दाबी पेस गर्न आव्हान गर्नुभएको छ,' प्रदेश प्रमुखको कार्यालयले सोमबार जारी गरेको विज्ञप्तिमा उल्लेख छ ।

गत भदौ १० गते मुख्यमन्त्रीमा नियुक्त भएका भीम आचार्यले एमाले अल्पमतमा परेपछि यही कात्तिक १५ गते सोमबार लिखित राजीनामा दिएका हुन् ।