एमाले अधिवेशन : ताप्लेजुङका ६ पालिकामा नयाँ नेतृत्व - प्रदेश १ - कान्तिपुर समाचार

एमाले अधिवेशन : ताप्लेजुङका ६ पालिकामा नयाँ नेतृत्व 

आनन्द गौतम

ताप्लेजुङ — एक नगरपालिका र आठ गाउँपालिका रहेको ताप्लेजुङका ६ वटा स्थानीय तहमा एमालेको नेतृत्व चयन भएको छ । एउटामा मतदान प्रक्रियामार्फत र बाँकीमा सर्वसम्मत चयन भएको हो । फुङलिङ नगरपालिकामा बुधबार बेलुका अबेरसम्म निर्वाचन प्रक्रिया चलेको छ भने दुईवटा गाउँपालिकामा तिहारसम्ममा गर्नेगरी सारिएको छ । फुङलिङमा हेमन्तकुमार उप्रेती, धनेन्द्र मादेन र भरतकुमार गुरुङले अध्यक्षमा दाबी गरेका छन् । 

मैवाखोला गाउँपालिकामा मतदानमार्फत पदाधिकारी चयन भएको छ । निर्वाचन मण्डलका संयोजक अग्नी पौडेलका अनुसार लालकाजी लिम्बु, दिवस चोङवाङ र गणेश प्रसाईंबीच भएको प्रतिस्पर्धामा लालकाजीले ७१ मत प्राप्त गरी अध्यक्ष चयन भएका छन् । दिवसले ६४ मत प्राप्त गरे भने गणेशको शून्य मत भयो । उपाध्यक्षमा आशा थोप्रा, सचिव रुपेन्द्र वनेम र उपसचिवमा चिरञ्जिवी चोङवाङ र रुपनारायण घिमिरे चयन भएका छन् । मिक्वाखोला गाउँपालिकामा दिवस लिवाङ, प्रताप लिम्बु लक्ष्मी थलङ, तोम अधिकारी र बद्री थापा क्रमश: अध्यक्ष, उपाध्यक्ष, सचिव र उपसचिव भएका छन ।

आठराई त्रिबेणी गाउँपालिकामा सूर्यमान यम्सो, आइन्द्र आङवोहाङ, मदन सेन्दाङ, कर्णबहादुर थलङ र तारा न्यौपाने, फक्ताङलुङ गाउँपालिकामा सरोज एभेङ, मचिन्द्र तवेवुङ, विरेन्द्र दाहाल सुमन आङदेम्बे र दावाडोमा शेर्पा अध्यक्ष, उपाध्यक्ष, सचिव र उपसचिव चुनिएका छन् ।

सिरिजंगा गाउँपालिकामा सन्तोष चाम्लिङ, इन्द्र घतानी, पूर्णकुमार डाँगी, नविन थेवे र दिपेन्द्र तुम्याहाङ, पाथीभरा याङवरकमा बिक्रम मेन्याङ्बो, भीमबहादुर साम्सोहाङ, लोकनाथ खतिवडा र पूर्ण तिवारी क्रमश: अध्यक्ष, उपाध्यक्ष, सचिव र उपसचिव भएका छन् । उपसचिवमा एक महिला चयन गर्न बॉकी रहेको जिल्ला कमिटी सचिव केशर मेन्याङ्बोले जानकारी दिए ।

मेरिङदेन गाउँपालिकाको दुइटा वडामा वडा अधिवेशन गर्न बाँकी रहेकाले पालिका अधिवेशन धकेलिएको छ भने सिदिङ्वा गाउँपालिकाले तिहारअघि नै गर्नेगरी मिति तय हुने जनाएको छ ।

प्रकाशित : कार्तिक १०, २०७८ १९:१८
प्रतिक्रिया
पठाउनुहोस्

मुख्य प्रशिक्षक जिम्मेवारीलाई तीन वर्षसम्म निरन्तरता दिन अल्मुताइरी तयार

कान्तिपुर संवाददाता

काठमाडौँ — अब्दुल्लाह अल्मुताइरीले नेपाली राष्ट्रिय फुटबल टोलीको मुख्य प्रशिक्षक जिम्मेवारीलाई तीन वर्षसम्म निरन्तता दिन तयार भएको बताएका छन् । बुधबार सामाजिक सञ्जाल फेसबुकमा स्ट्याटस लेख्दै अल्मुताइरीले अखिल नेपाल फुटबल संघ (एन्फा)का अध्यक्ष कर्माछिरिङ शेर्पा र कतार फुटबल एसोसिएसनका अधिकारीहरुसँग छलफलपछि नयाँ सम्झौतामा हस्ताक्षर गर्न तयार बताएका छन् ।

'कर्मा छिरिङ शेर्पा र कतार फुटबल एसोसिएसनका अधिकारीहरुसँगको बैठकपछि अखिल नेपाल फुटबल संघसँग नेपालको जिम्मेवारीलाई तीन वर्ष निरन्तरता दिन नयाँ सम्झौता गर्ने मैले निर्णय गरेको छु र कतार फुटबल एसोसिएसनलाई समर्थन तथा नेपाल फर्किनका लागि गरेको सबै विषयका लागि धन्यावाद छ', अल्मुताइरीले फेसबुकमा लेखेका छन् ।

'नयाँ मिसनको सफलताको कामना गर्न चाहन्छु ... आगामी २ वर्षका लागि लक्ष्य र योजनाहरु आगामी केही दिनमै प्रकाशित गर्ने छु', उनले लेखेका छन्, 'तपाईंहरुसँग मेरो प्रतिबद्धता भनेको नेपालको भविष्य राम्रो हुने छ तर त्यसका लागि समय चाहिन्छ ।'

माल्दिभ्समा भएको साफ च्याम्पियनसिपमा नेपाल उपविजेता बनेको थियो । तर प्रतियोगिता सकिएपछि अल्मुताइरी नेपाल फर्किएका थिएनन् ।

नेपाली फुटबलले अहिलेसम्म जति पनि प्रशिक्षक पाएका छन् त्यसमा पढाइका हिसाबमा अल्मुताइरी अब्बल प्रशिक्षक नै हुन् । उनीसँग एएफसीको प्रो लाइसेन्स छ । यो ‘ए’ लाइसेन्स भन्दामाथिको हो । कतारी फुटबल संघको सहयोगमा उनी नेपालमा आएका हुन् । कुवेती प्रशिक्षकको सबैभन्दा राम्रो गुन भनेकै आफ्नो टिम र आफ्ना खेलाडी भनेपछि ज्यानै फाल्नु हो । खेलाडीसँग कुरा गर्ने हो भने उनीहरू अल्मुताइरीको प्रशंसा नै गर्छन् । उनी गत चैत एक वर्षका लागि नेपाली राष्ट्रिय पुरुष फुटबल टिमका मुख्य प्रशिक्षकमा नियुक्त भएका थिए ।

प्रकाशित : कार्तिक १०, २०७८ १९:१४
पूरा पढ्नुहोस्
प्रतिक्रिया
पठाउनुहोस्
×