श्रीमती र छोरीको हत्या आरोपमा पक्राउ- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

श्रीमती र छोरीको हत्या आरोपमा पक्राउ

विप्लव भट्टराई

इलाम — श्रीमती र छोरीको हत्या गरेको आरोपमा प्रहरीले एकजनालाई नियन्त्रणमा लिएको छ । झारफूक गर्ने बहनामा इलामको देउमाई नगरपालिका ५ बारुङमा ३४ वर्षीय कमल भनिने पूर्णचन्द्र तामाङले श्रीमती र छोरीको हत्या गरेको प्रहरीले जनाएको छ ।

तामाङले मंगलबार बिहान ३५ वर्षीया पत्नी सीता र १६ वर्षीया छोरी दीक्षाको हत्या गरेको आरोपमा पक्राउ गरिएको इलामका एसपी महेन्कुमार श्रेष्ठले जानकारी दिए ।

एक महिनाबाट धामी बस्दै आएका पूर्णबहादुरले टोकेर र थिचेर घरभित्र बनाइएको थानमा लागि हत्या गरेको प्रहरीको प्रारम्भिक अनुसन्धानमा खुलेको एसपी श्रेष्ठले बताए ।

प्रहरीले अभियुक्तसहित उनका बुबा, आमा र दुई दिदी बहिनीलाई नियन्त्रणमा लिएको छ । घटनाबारे स्थानीयले थाहा पाएपछि प्रहरीलाई खबर गरेका थिए ।

प्रकाशित : कार्तिक ९, २०७८ १३:३२
प्रतिक्रिया
पठाउनुहोस्

ज्योति विकास बैंकले ल्यायो ‘स्मार्ट सेभिङ’ बचत खाता

कान्तिपुर संवाददाता

काठमाडौँ — ज्योति विकास बैंकले स्मार्ट सेभिङ नामको बचत खाता संचालनमा ल्याएको छ । बचत खातामा ५.७५ प्रतिशत ब्याजदर तोकिएको छ ।

यस खातामा शून्य मौज्दातमा निशुल्क डिम्याट खाता, निशुल्क मेरो सेयर रजिष्ट्रेसन, निशुल्क सिआस्बा, निशुल्क मोबाइल बैंकिङ सेवा, निशुल्क इन्टरनेट बैंकिङ सेवा र निशुल्क डेविट कार्डको सुविधा रहेको बैंकले जनाएको छ । बैंकका हाल देशभर १०५ शाखा कार्यालय संचालनमा छन् ।

प्रकाशित : कार्तिक ९, २०७८ १३:०७
पूरा पढ्नुहोस्
प्रतिक्रिया
पठाउनुहोस्
×