बाढीले बगाएका युवकको शव भेटियो- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

बाढीले बगाएका युवकको शव भेटियो

सुम्निमा चाम्लिङ

इटहरी — बाढीले मोटरसाइकलसहित बगाएका एक युवकको बिहीबार बिहान शव फेला परेको छ । जिल्ला प्रहरी कार्यालय सुनसरीका डीएसपी नगेन्द्रकुमार कार्कीका अनुसार इटहरी उपमहानगरपालिका–२ शान्तिनगर बस्ने ३१ वर्षीय योगेन्द्र तिवारी मृत भेटिएका हुन् ।

उनको शव इटहरीको आपगाछीमा फेला परेको प्रहरीले जनाएको छ । मंगलबार दिउँसो घर जाने क्रममा तरहराको पानीपियामा तिवारीलाई बाढीले मोटरसाइकलसहित बगाएको थियो ।

बाढीले बगाएका इटहरीका सताही मण्डल, राजकुमार राई, रोशन बुढाथोकी र ईश्वरी पराजुली अझै बेपत्ता छन् ।

प्रकाशित : कार्तिक ४, २०७८ १२:००
प्रतिक्रिया
पठाउनुहोस्

सुनसरीमा बाढीले ३० प्रतिशत धान खेती नष्ट

सुम्निमा चाम्लिङ

इटहरी — दुई दिनदेखि लगातार परेको वर्षाले जिल्लाका अधिकांश ठाउँमा धान खेती नष्ट भएको कृषि ज्ञान केन्द्र सुनसरीले जनाएको छ । केन्द्रका अनुसार प्रारम्भिक विवरण अनुसार ३० प्रतिशत धानबाली पूर्ण रूपमा क्षति भएको छ । भोक्राहा नरसिंह गाउँपालिका, हरिनगरा गाउँपालिका, देवानगंज गाउँपालिका,इनरुवाका दक्षिणी भूभाग बबिया र जल्पापुर क्षेत्रमा वर्षाले बढी नोक्सान गरेको छ ।

आइतबार रातीदेखि परेको पानीले जिल्लाको १६ हजार हेक्टर जग्गामा लगाइएको धान खेती नष्ट भएको अनुमान गरिएको छ । ‘सुनसरीको दक्षिणी क्षेत्र जलमग्न छ । विवरण संकलन गर्न कठिन भइरहेको छ,’ केन्द्र प्रमुख नुनुलाल उरावले भने, ‘पूर्ण रूपमा विवरण आउन अझै केही दिन लाग्छ ।’ केन्द्र प्रमुख उरावका अनुसार हरिनगरा,देवानगंज र इनरुवामा लगाइएको तरकारी खेती समेत नष्ट भएको छ । तरकारी खेतीको समेत विवरण संकलन गर्ने क्रम जारी रहेको उनले बताए । जिल्लामा यस वर्ष कुल ५५ हजार हेक्टर क्षेत्रफलमा धान खेती भएको थियो ।


प्रकाशित : कार्तिक ३, २०७८ १७:०७
पूरा पढ्नुहोस्
प्रतिक्रिया
पठाउनुहोस्
×